APEX

أسرة آبكس
 
الرئيسيةالرئيسية  التسجيلالتسجيل  دخول  
أهلا و سهلا بكم في منتدي أسرة آبكس
للتسجل في المنتدي تواصل مع أي عضو في الأسرة

شاطر | 
 

  شرح دورة الإسعافات*****

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
Rabab
تائبة الى الله
تائبة الى الله


عدد المساهمات : 326
تاريخ التسجيل : 12/06/2010

مُساهمةموضوع: رد: شرح دورة الإسعافات*****   الأربعاء 21 يوليو 2010, 4:41 pm

السلام عليكم ورحمة الله وبركاته
احنا انكشفنا وخلاص
ماشى ان شاء الله مفيش غياب تانى
والله انا كان فى نيتى احضر العملى بس
بس خلاص ان شاء الله احضر كل المحاضرات
دا كفايه ان ايه هى المشرفه بتعتى
وبجد شرح متميز يا دكتر
واكيد بتتعب فيه
ربنا يقويك ان شاء الله
ومتابعه
الرجوع الى أعلى الصفحة اذهب الى الأسفل
**
زائر



مُساهمةموضوع: رد: شرح دورة الإسعافات*****   الجمعة 23 يوليو 2010, 8:58 am

jh
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الجمعة 23 يوليو 2010, 8:38 pm

ss
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   السبت 24 يوليو 2010, 7:38 pm

السلام عليكم ورحمة الله وبركاته

اتكلمنا على الwounds خلاص
هنتكم بقى على كيفية خياطة الwounds دى

وزى ما قلنا قبل كدة ان الخياطة عبارة عن wound له 2 edges عيزين نلمهم على بعض علشان يعمل healing كويس وميدخلش infection

بس قبل ما نتكلم على الطريقة هنتكلم على شوية حجات كدة

هنقسم الحكاية دى ل 3 مراحل
PRE-STETCH
STETCH
POST-STETCH

أولا مرحلة ما قبل الخياطة......pre-stetch stage

هنا هيجيلك المريض وهوة طبعا متعور هههه وانت بقى يا دكتور هتستقبله

طب وهتعمل ايه بقى فى المرحلة دى

برضو 3 حجات
WELCOMING
STERALIZATION
ANAESTHESIA


كل اللى حضرتك هتعمله انك هترحب بالمريض
وتاخد منه التذكرة وتشوف مكتوبله ايه
ومش هنوصيك بقى ان كان مكتوب له عرض عظام او عرض نيورو تبقى تسأله
وان مكنش راح يبقى تبعته هناك يكشف الاول
يعنى تشتغل على نووووووور

هيجيلك الراجل تانى
هتكلمه بقى وتحاول تمتص الstress بتاعه من انه جايلك هيخيط بقى وهتدخل فيه الابرة وال ل ل ل ل .....
ماعلينا بقى

هتلاطفه ان كان طفل صغير وتلاعبه
اسمك ايه يا كابتن يا عسل انت
ماتجيييييب بوسة كبيرة زيك كدة
طب عاوز شوكولاتة ولا عصير قصب هههه(أوعو حد يقلله كدة )

وفى نفس الوقت ده هيكون الassistant بتاعك بيحضر ال steralization اللى هتطهرو بيه الجرح قبل الخياطة

.......

طب هوة ايه ده بقى اللى هنطهر بيه
يا بيه عندك 3 حجات عدة الassistance ومينساهمش أبدا أى واحد بيساعد الدكتور اللى بيخيط

(مش هنقول بقى يلبس جونتيات بلاستيك .. يبقى عيب لما نفكرك ب دى كمان وانت دكتووورر كبير أوى اوى اوى :d:d)

هيجيبلك محلول ملح saline solution ويعمل ثقب فى الباكيت بتاعه بالمشرط
بعدين يجيب dressing ....طبقتين من الشاش كدة وسطهم قطن
ويجيب كمان البيتادين....

بعدين يا سيدى تجيب سلة...basket ومتلمسهاش بايدك
فقط زقها برجلك كدة علشان العدوى لحد مكان المريض

تقول للمريض
يا حاج او يا حاجة او يا حبيبى أيا ما يكون الحالة
هاعملك تنظيف للجرح علشان يكون سليم وميتعبكش
وبهدوووووووء (يا دكتور) بهدوء هتلبس حضرتك جوانتيات surgical
وتاخد الdressing وال saline وتصب شوية ملح على الجزء المصاب
بعدها تنظف الجرح بالdressing ويكون اتجاه المسح على الجرح من جوة لبرة
يعنى من قريب للجرح للبعيد عنه
علشان ناخد الinfection معانا من الجرح لبراه وليس العكس
(خدو بالكم من دى كوييييس قوى علشان بنغلط فيها كتير)

طب ده لو كان الجرح عادى وزى اللى بنشوفهم كل يوم

انا بقى لو كان الجرح highly infected وحالته صعبة زى مثلا حاجة من الغيط فأس مثلا او حمار نطح صاحبه وما الى ذلك
يبقى تستخدم hydrogen peroxide مية اكسوجين
فى الغالب هيكون الحرج deep

هتاخد من الازازة بتاعة مية الاكسوجين دى شوية كدة بالسرنجة
بعدين تخففه بشوية ملح
والكمية المقدرة تبعا لرؤية حضرتك طبعا ومش هنقول فيها أرقام
لكن على العموم خلى ايدك خفيف:d:d
بعد ما تشيل سن السرنجة هتخلى حد يمسك الجزء اللى فيه الجرح كويس ويثبته . ممكن واحد من اهل المريض او حد من التمريض.
بعدها تنزل من السرنجة على الجرح بأعصاب ثابته لأن المريض فى الغالب هيشوطك ويصووووت يا هووووووه الحقونى

طيب يا سيدى انا خلاص هصب الملح أو مية الاكسوجين وانظف من جوة لبرة كويس أوى لحد ما تكون الskin قدامى واضحة من غير اى شوائب

نجيب بقى البيتادين وننظف الجرح تانى ونعصر عليه شوية بيتادبن كدة بالdressingونمسح تانى كويس من جوة لبرة لحد ما يكون الfield قدامى clear والعملية واضحة زى الفل

وزى ما حصل قبل كدة
على ما حضرتك تعمل sterlization للwound
هيكون ال assistant بتاع حضرتك بيحضر ال بنج الموضعىlocal anaesthesia

......

طب لما نتكلم عن البنج الموضعى كدة نقول ايه علشان نعرفه
فى منه انواع كتير
أشهرهم الmepecaine ---والDEPAKINE----والZILOCAINE

واللى هتشوفه عندنا هناك فى المستشفى هو الاتين الاولانيين ان شاء الله
طب وبعدين
ال mepecaine بيبقى UNI-USE ..... استخدام مرة واحدة (قول يا رب)
والاتنيني التانيين يبقو للاستخدام المتعدد MULTI-USE

اما الطريقة للسحب ف دى بقى بتاعت المشرف اللى معاك علشان منشرحش حجات مبهمة :D:D
واكيد مكان الجرح بيأثر على مقاس السرنجة المستخدمة فى التبنيج
واحد مثلا فى الوش او ال EYE LIDيبقى بابرة انسولين
واللى فى الSCALPيبقى سرنجة 3
أو 5 فى اضعف الامل ان ملقيتش 3

بعد ما تسحب الanaesthesia
تبص بقى على ال WOUND يا بيه
حضرتك بتدخل بالابرة من عند الTIP OF THE WOUND
وتخش جنب واحد من ال2 EDGES بتوعه وتحاول تخليك جوة الEDGE
تخش جنب الEDGE بحوالى 3 الى 5 مللي(نص سنتي يعنى) وتدخل بالابرة للأخر موااااازى لل EDGE (ومتغرفش جوة DEEP علشان الحجات اللى تحت)
بعد ما دخل بالابرة للاخر هتسحب سحبة خفيفة كدة تتاكد انك مش فى BL. VESSLE ولا حاجة بعدين لما ميطلعش دم فى السرنجة ان شاء الله
تبدأ تدوس على مكبس السرنجة وانت بتسحب السرنجة نفسها برة وطالع

بالتدريج كدة هتلاقيها اشطة خالص
وتعمل كدة لحد ما تحاوط ال EDGES بتاعت الWOUND بالبنج تمام

وان كان الجرح ده DEEP يبقى ممكن تدخل بابرة البنج من جوة الجرح نفسه
فى الDERMIS وده له حكمة جميلة
انك لما تدخل من ال SKINيبقى هتستثير الNERVE ENDINGS فى الجلد
اما من جوة مفيش NERVE ENDINGS وان شاء الله وجع الابرة هيكون اقل بكتيييير من انك تدخل من برة فى الجلد (وهتلاحظها بنفسك ان شاء الله)

فى حالة خاصة شوية فى التبنيج وهية انك ازاى تعمل تخدير لجرح موجود فى الصوابع fingers
الطريقة المستخدمة اسمها ring anaesthesia
وهية انك بتدخل بالابرة حوالين الصابع من عند الproximal phalangese
من عند ال root بتاع الصابع
وتملى البنج فى الsubcutaneous tissue
الطريقة دى بتوفر block لكل الblood supply اللى رايح لل finger اللى فيه الwound وبتكون مؤلمة أكتر شوية من العادية لكنها فعااالة جدا
وبما اننا بندخل بالابرة من 3 أماكن تقريبا ونحوط على الfinger زى الحلق فمن هنا جائت التسمية ring anaesthesia



ان كان الحالة طفل يبقى تحاول تخلى الولد يتلهى فى اى حاجة علشان ميركزش معاك ويتعبك فى الشغل ........تستعين بأهله أو التمريض أة أى دكتور صاحبك موجود يلاعبه ويشغله

طبعا الجرح هينمل مكان البنج والراجل ان شاء الله مش هيحس بحاجة لمدة نص ساعة تقريبا هتكون حضرتك تممت على الجرح وخيطته تمام

وتاااااانى على ما حضرتك تبنج الراجل وياخد مفعول يكون ال ASSIST حضر الTOOLS و الخيط وحضرتك معاه

*******************************************
للحديث بقية ان شاء الله


******************
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الأحد 25 يوليو 2010, 2:17 am

الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الأحد 25 يوليو 2010, 6:20 pm

السلام عليكم
هههه
اللى حط الصورة دى وآبكس كدة يبقى الابيض علطول
روح يابنى ذاكر بقى
الرجوع الى أعلى الصفحة اذهب الى الأسفل
???? 2 3
زائر



مُساهمةموضوع: رد: شرح دورة الإسعافات*****   الإثنين 26 يوليو 2010, 12:12 pm

أيوه يا سمير الأبيض يا سيدي
ايه في اعتراض وللا حاجه؟؟ هاه تقدر؟؟ ههههههههه

ss

دي صورة كنت عملتها لما كنت بجهز للشرح زمان ولما انت كملت Stitch وملقيتكش حاطط صور قلت احطها وأمري إلى الله
يللا متابعين معاك كمل

zz
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الإثنين 26 يوليو 2010, 4:28 pm

يا رب بس ألاقى وقت أكمل
ونا مش هتأخر ان شاء الله

(تعالو شرحنا بكررررة ان شاء الله فى المدرج)
ان شاء الله هيكون جااامد

يارب انت المعين
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الثلاثاء 27 يوليو 2010, 9:17 am

حاجه كده على الماشي
ده فيديو بيوضح طريقة سحب المخدر من الأمبول زي ما انشرح في الدورة علشان لو في حد محضرش وعاوز يعرفه




ولو في حد عاوز ينزله على جهازه يتفضل من هنا

متنسوش الدعوات
يللا السلام عليكم
الرجوع الى أعلى الصفحة اذهب الى الأسفل
رقية
حمامة السلام
حمامة السلام
avatar

عدد المساهمات : 1549
تاريخ التسجيل : 13/12/2009

مُساهمةموضوع: رد: شرح دورة الإسعافات*****   الثلاثاء 27 يوليو 2010, 12:27 pm

ممممممممممم

وعاالفيس كمان

جزاكم الله خيرا يا دكاترة
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الثلاثاء 27 يوليو 2010, 3:43 pm

طب حد يقللى بقى
يا ترى مين الفنان اللى سحب السحبة دى

(والى يعرف بالدليل له جايزة:d:d)
2 جنيه من المقرر الجديد
ههههه
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الثلاثاء 27 يوليو 2010, 3:55 pm

الدليل الساعه
ههههههههه
بغششكم اهه
ss
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الثلاثاء 27 يوليو 2010, 4:37 pm

مفيش 2 جنيه خلاص
ههههه

(ان مفكيتكش منى انت حر)
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الثلاثاء 27 يوليو 2010, 9:47 pm

جزاكم الله خيرا فيديو جميل

وكما قال الشاعر ......... الطبع يغلب التطبع


يارب نذاكر بقى

الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الأربعاء 28 يوليو 2010, 2:05 am

الطبع يغلب التطبع

ههههههههههه
ماشي وصلت
أنا بذاكر برده الحمد لله ومقسم وقتي
ده انا حتى رايح النهارده اسكندرية 3 أيام بإذن الله
استجم بأه
هههههههه
دعواتكم معانا بس
استودعكم الله
ss
الرجوع الى أعلى الصفحة اذهب الى الأسفل
??????
زائر



مُساهمةموضوع: رد: شرح دورة الإسعافات*****   الإثنين 09 أغسطس 2010, 9:35 am

السلام عليكم
بجد  كان نفسى ىخد معاكم الدورة  بس للاسف ملحقتش الحجز
بس من كلام زمايلى ع الدورة و اعجابها بالشرح و كلهم اشتغلوا
جذبتنى انى اقول كان نفسى ابقى معاكم
بس بإذن الله السنة الجاية
و من الواضح انه شغل رائع من الكل مقرر الاسعافات و المشرفيين كللهم
جززاكم خيرا
و انا قريت الشرح تصبيرة ع السنة الجاية
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الأربعاء 11 أغسطس 2010, 4:34 pm

ههههه

وبنرحب بيك فى اى وقت يا دكتور أو يا دكتورة

ان شاء الله الحجز يكون فى أول 4 الجاى باذن الله
والعدد محدووووووووووود

بجد المرادى علشان الظروف :D:D

يا رب يقدرنا على كل ما يرضيه أولا ويرضيكم ثانيا

الرجوع الى أعلى الصفحة اذهب الى الأسفل
wafaa elameen
بدون لقب
بدون لقب


عدد المساهمات : 33
تاريخ التسجيل : 05/07/2011
العمر : 25
الموقع : والله فى عون العبد ما دام العبد فى عون اخاه

مُساهمةموضوع: رد: شرح دورة الإسعافات*****   الأحد 17 يوليو 2011, 6:10 pm

جزاااااااااكم الله خيرا يا دوك محمد شرح وافى وجميل فعلا
ربنا يكرمكم يارب انا قرأت الحقن بس
احنا كده شكلنا مكناش بندى حقن صح خاااااالص
ربنا يستر ومينكش حد دعى عليا بس :D
الرجوع الى أعلى الصفحة اذهب الى الأسفل
reham
بدون لقب
بدون لقب
avatar

عدد المساهمات : 59
تاريخ التسجيل : 16/06/2010

مُساهمةموضوع: رد: شرح دورة الإسعافات*****   الأحد 17 يوليو 2011, 11:23 pm

جزاك الله خير يا دكتر على الشرح
جمييييل جدا ..ما شاء الله
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الإثنين 18 يوليو 2011, 4:12 am

شكرا يا دكاتره
يللا شدوا حيلكم علشان حضراتكن اللي هتكملوا شرح موضوعات النظري بعد ما نخلص الغرز بإذن الله :D
الرجوع الى أعلى الصفحة اذهب الى الأسفل
Jasmin Hegazy
بدون لقب
بدون لقب
avatar

عدد المساهمات : 199
تاريخ التسجيل : 17/10/2009
العمر : 25
الموقع : السعودية

مُساهمةموضوع: رد: شرح دورة الإسعافات*****   الأربعاء 20 يوليو 2011, 12:05 am

جزاكم الله كل خير
شكراااااااااااااااااااااااااااااااااااااااااااااااااااااااااااااااااااااااااااااااااااااااااااااا
الرجوع الى أعلى الصفحة اذهب الى الأسفل
 
شرح دورة الإسعافات*****
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
APEX :: قسم الزوار :: الاسعافات الأولية-
انتقل الى: