APEX

أسرة آبكس
 
الرئيسيةالرئيسية  التسجيلالتسجيل  دخول  
أهلا و سهلا بكم في منتدي أسرة آبكس
للتسجل في المنتدي تواصل مع أي عضو في الأسرة

شاطر | 
 

  شرح دورة الإسعافات*****

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
????
زائر



مُساهمةموضوع: شرح دورة الإسعافات*****   الثلاثاء 29 يونيو 2010, 7:33 pm



بإذن الله هنبدأ هنا شرح دورة الاسعافات النظري والعملي شرح مبسط وخفيف كده بحيث يساعدنا على الفهم والاستفادة من الدورة بإذن الله
وهنبدأ مع بعض بعون الله أول موضوع لينا وهو Injection



بس قبل ما نبدأ لازم ناخد بالنا من حاجه مهمة جدا وهي أنك هتدي الحقنة للمريض عشان تكون سبب في شفائه مش تزيد ألمه وبلاءه وتعدي نفسك أنت كمان فعشان كده في حاجات ضرورية لازم نهتم بيها ومنكسلش عنها زي ما كتيييير من الناس بتعمل وياريت نظرة الإحباط وأني مش أنا اللي هغير الكون دي نشيلها من دماغنا ونمشي في الصح وملناش دعوه بغيرنا اللي بيمشوا غلط ومن الحاجات دي:
- غسل اليدين قبل وبعد الحقن
- التأكد من صلاحية الدواء اللي هتحقنه وميكونش متعكر ولو شكيت فيه يبقى بلاشه أحسن
- متستخدمش سرنجة مستعملة قبل كده حتى لو كانت لنفس الشخص
- تدي الحقنة في اضاءة كويسه مش تروح تدور على حتة ضلمة وتديهاله فيها
-متخلطش أكتر من دواء مع بعض إلا لو الطبيب هو اللي نصح بكده
- متلمسش سن الحقنة بأيدك أو حتى تحاول تعقمها لأنها بتكون متعقمة جاهزة
- متسيبش سن الحقنة مكشوف لفترة طويلة ولو اضطريت لكده يبقى لازم تغطيها لغاية ما ييجي ميعاد اعطائها
- قبل ما تدي الحقنة لازم تتأكد ان مفيش هواء فيها بأنك بتخبط على جنب الحقنة بظهر صابعك براحه كده وتضغط وتطلع الهواء ولو معرفتش تطلعه اسحب لورا شوية هواء واضغط تاني هيطلع بإذن الله
- بعد ما تدي الحقنة وده مهم جدا لازم تغطي السن بتاعها وترمي كل جزء في المكان المحدد ليه زي المشرف هيقوللك في المستشفى بإذن الله

ونبدأ بأه في كيفية اعطاء الحقن وأنواعها:
تحضير السـرنجـة :
- اختيار حجم مناسب لكمية الدواء ( سرنجة 3سم لدواء حجمه 2سم ... الخ ) .
- تنزع من الغلاف ويراعِ عدم ملامسة الجزء الذى يثبت به الإبرة .
تثبت الإبرة جيدًا وبقوة ( حتى لا يتسرب منها الدواء عند بدء الزرق ) لا تنزع الغطاء الواقى للإبرة .
العبـوة الـدوائيـة :
يوجد أشكال متنوعة للعبوة الدوائية منها:
- خاص بدواء على شكل سائل ويحفظ هذا السائل فى أنبوب زجاجى (أمبول) الجزء المقعر من الأنبوب به شريط ملون دائرى يدل على قابلية كسر الأنبوب بالأصابع دون احتياج للمنشار الصغير. عدم وجود هذا الشريط الدال الملون معناه الاحتياج لمنشار ضرورى لكسر الأنبوب ، ويتم ذلك بنشر الزجاج من المنطقة المقعرة لإحداث منطقة رقيقة صغيرة في الزجاج حتى يسهل تكملة الكسر بأطراف الأصابع ، النشر الكامل للزجاج قد يؤدى إلى إصابة الأصابع بجروح وقد تترسب بعض الشظايا داخل السائل.
- خاص بنوع من العلاج على هيئة مسحوق يتطلب أن يذوب أولا فى سائل خاص به ، ودائما يتواجد المسحوق فى زجاجة صغيرة فوهتها محكمة الإغلاق بسدادة مطاطية ، ولذلك يجب حقن أو زرق السائل أولا من خلال السدادة بواسطة السرنجة والإبرة ليتكون محلول جاهز للحقن .
- خاص بسائلين فى عبوتين ويجب خلطهما معًا قبل الحقن .

الخطـوات :

سائل موجود فى أنبوب واحد ( أمبول ) أو فى أنبوبتين

1 . ابدأ بخطوات تحضير السرنجة ( لا تنس المبادئ العامة ) .
2 . قم بكسر الأنبوب الزجاجى كما تم توضيحه من قبل .
3 . انزع الغطاء الواقى للإبرة ، لا تلمس الإبرة أبدا ، ثم ادفع بذراع الحقن لداخل اسطوانة السرنجة لأقصى مدى .
4 . توجيه طرف الإبرة ، دون أن تلامس الأصابع أو الأنبوب من الخارج ، إلى داخل فوهة الأنبوب ( أمبول ) .
5 . ابدأ بشفط السائل حتى أخره وذلك بسحب الذراع للخارج ، ثم ارفع السرنجة ليكون طرف الإبرة لأعلى ، قم بطرد الهواء إن وجد ، وذلك بدفع الذراع برفق شديد لداخل اسطوانة السرنجة . كرر نفس العملية لشفط السائل الأخر إذا كان العقار مكون من أنبوبتين بنفس السرنجة . لا ضرر من تواجد بعض الفقاقيع القليلة .

مسحوق وسائل لعمل محلول
- كرر نفس الخطوات من 1 – 5.
- قم بوخز الغطاء المطاطى وأحقن السائل بداخل الزجاجة الصغيرة ، وامسك بالسرنجة بين صابعين السبابة والوسطى واسند الزجاجة من اسفل بالإبهام ، هز الزجاجة برفق حتى يتم إذابة المحول تمامًا .
- اسحب المحلول وقم بطرد الهواء

أول نوع IM




وده بيكون في 3 أماكن أو 4:
1- Gluteus Muscle
Deltoid Muscle -2
Triceps Muscle -3
Vastus Lateralis Muscle -4
أولا Gluteus Muscle
بندي الحقنة في Upper Lateral Quadrant يعني ايه؟؟؟؟
يعني بندي الحقنة في المربع العلوي الخارجي من المقعدة ليه؟؟؟؟ علشان نبعد عن Sciatic Nerve لأن لو دخلنا في Nerve هتحصل حاجه اسمها Sciatica وده لو حصل هتلاقي رجل المريض اتحركت لوحدها بسرعة وهو هيصوت أكيد يعني لأنه هيشعر بألم فظيع في الرجل من الخلف



وفي كمان طريقة تحدد بيها مكان الحقن وهسيبك تعرفها من الصورة دي






طيب هنعمل ايه بأه بعد تحديد المكان هنجيب اي قطنة أو شاش وكحول ونطهر مكان الحقن ونستنى 30 ثانية لغاية الكحول ما يتطاير وبعد كده ادخل بالحقنة بزاوية قائمة 90 درجة على الجلد بسن الإبرة كلها وده بيكون حسب حالة المريض لو Thin ممكن تاخد جزء Fleshy بين أصبعين من ايدك وتدخل برده عمودي فيه أما لو Fat هتضغط على الجزء اللي هتحقن فيه وتدخل برده بزاويه قايمة تحت صباعك بالظبط علشان تتأكد أن الحقن في Muscle مش sub cutaneuos tissue وفي كمان فايدة هسيبك تعرفها من الصورة اللي جاية دي






وبعد كده تسحب شويه المكبس حاجه بسيطه بس وتشوف هل في Blood وللا مفيش لو مفيش هتدي الحقنة ولو في هتطلع لبره حاجه بسيطة وتحقن الدواء وهتدي الحقنة ببطء وبعد كده هتخرج تسحب الحقنة وتطهر مكانها بقطنة فيها كحول وتطلب من المريض تدليك مكان الحقن
لكن لو ظهر دم يبقى ميدلكش يضغط عليها أفضل



وده فيديو جميييييييييييل جدا



ثانيا Deltoid
ودي بتستخدم في التطعيمات وبتكون بنفس الخطوات ومكان الحقن كما بالصورة








وده فيديو يوضح طريقة الحقن



ثالثا Triceps
ودي بنستخدمها أكتر في حقن التيتانوس لكن بنخاف فيها من Radial Nerve اللي بيعدي في Spiral groove of humerus علشان كده بندي الحقنة في النص التحتاني من الذراع من الخلف وبمسك جزء من العضلة علشان أحدد هدخل قد ايه وبدخل بزاوية مايله 45 درجة



رابعاً Vastus Lateralis
بتكون عادة في الأطفال تحت سن 10 سنوات لكن مبنستخدمهاش لأن كله بياخد في Gluteus





وده فيديو يوضح شوية



وبكده خلصنا حقن IM وبإذن الله نكمل حقن IV وبقية الأنواع
مستني آراءكم وهل في استفادة علشان نكمل وللا منوجعش دماغنا على الفاضي
شكرا جزيلا لكم ونفعكم الله بكل ما نقدمه لحضراتكم
jh
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الأربعاء 30 يونيو 2010, 2:23 am





نيجي بأه لحقن IV

طبعا الحقن في الوريد بيتميز ان له Rapid onset of Action
فمهم جدا في Emergency
ممكن أدي في أي وريد في الجسم ولكن أوردة اليد والذراع Most Common




طبعا الخطوات هتكون كالتالي :
1- هتطلب من العيان انه يكشف دراعه وشوف الوريد اللي هتدي فيه وتربط فوقيه بشوية بأي رباط وتخلي مستوى الذراع لأسفل عشان الوريد يظهر ويبقي واضح وحس الوريد بايدك

2- بعد كده طهر مكان الحقن بقطنه وكحول ومتلمسش تاني مكان الحقن بعد تطهيره
3- قم بسحب الجلد في المنطقة تحت الوريد إلى أسفل لتثبيت الوريد
4- هتدخل بزاوية 45 درجه وأنت بتدخل الإبرة هتحس بمقاومة الجلد لغاية ما تنتهي المقاومة يبقى أنت في الوريد ودي بتيجي بالممارسة وعشان تتاكد انك في الوريد تسحب هتلاقي فيه دم في السرنجه تعرف انك كده صح في الوريد وتشيل الضغط أو الرباط اللي انت رابطه وبعد كده تضغط المكبس وتحقن الدواء




5- متدخلش الحقنه للآخر لانك كده ممكن تخرم الوريد من الناحيه التانيه وتعمل مشكله للمريض

6- لو دخلت وحسيت انك مدخلتش في الوريد متطلعش الابره حاول تدور علي الوريد بالراحه لانك غالبا هتكون قريب جدا منه لكن متحركش الإبرة كتير علشان متسببش مشاكل للمريض

7- بعد اما تدي الحقنه حط قطنه ياريت تكون من غير كحول (علشان متعملش فازوديلاتيشن وتجيب دم أكتر) علي سن الابره واسحب الابره وخلي العيان يحط ايده شوية على الحقنه ومتدلكش مكان الحقن أبدا عكس IM

- ممكن بدل الرباط تستخدم جهاز الضغط او تخلي حد يمسك دراع المريض مثلا

- اتجاه الحقن في الوريد يكون في اتجاه سريان الدم للقلب

- بعض الأدوية زي الكالسيوم بتحتاج حقن تدريجي ممكن توصل ل 20 دقيقه لان لو اتاخدن مره واحده تعمل Cardiac Arrest

- طبعا لو لقيت فيه Oedema حصلت في مكان الحقن يبقي انت كده حقنت بره الوريد وتخلي العيان يعمل كمادات بارده في الاول وبعد كده ميه دافيه 3 مرات من 10 : 15 دقيقه

- الحقن يكون فيه وريد كبير خاصه في كبار السن لأن أوردة اليد عندهم بتكون متليفة ورفيعة فالأفضل أنك تبدأ في أوردة الذراع والأوردة الكبيرة

- سن الإبره بيكون مفتوح لفوق

وده فيديو للتوضيح


الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الخميس 01 يوليو 2010, 3:49 am




نيجي بأه لحقن الأنسولين



طبعا حقن الانسولين بتتاخد في البطن حوالين Umblicus



وممكن في الدراع أو في الفخذ



وعاده العيان بيمشي بطريقه Circular عشان ميديش كل مره في نفس المكان

الحقن بيكون Subcutaneous ومنطقه فيها دهون لسهوله الامتصاص

- تتاكد ان الانسلوين رايق وعديم اللون
-قم بتنظيف رأس الزجاجة بقطنة وكحول
-قم بسحب كمية هواء داخل سرنجة الأنسولين مساوية لكمية الدواء التي ستسحبها من الزجاجة
-ضع الإبرة داخل الغطاء المطاطي للزجاجة واحقن الهواء ثم اقلب الزجاجة واسحب الدواء
-إذا وجدت فقاعات هواء داخل السرنجة فقم بالطرق الخفيف على السرنجة لتتصاعد الفقاعات وقم بالضغط على المكبس قليلا لتتخلص منها



-أخرج السن من الزجاجة وأنت الان جاهز لإعطاء الحقنة
-أمسك جزء من الجلد في مكان الحقن بين أصابعك وأدخل لإبرة عمودية حتى تصل تحت الجلد



الحقن تدريجي وبعدين اسحب السرنجه

- مينفعش تحقن الانسولين في منطقه مكلكعه او فيها Infection

- مينفعش تدي مرتين في نفس المكان الا بعد اسبوعين عشان كده بتدي بطريقه Circular زي ما وضحنا فوق



وزي ما اتعودنا شوية فيديوهات بسيط كده للتوضيح ده غير اللي في الأسطوانة اللي هتاخدوها بإذن الله





-------------------------------------------------------------------------------

كده فاضلنا حاجه واحده بسيطه كده في الحقن وهي الحقن في الجلد Intradermal

ودي بتكون في الجلد نفسه وبتكون عاده في التطعيمات وبيديها متخصصين لان اي غلط هتخلي العيان يتعدي بالمرض اللي بياخد التطعيم عشانه ويتم استخدام إبرة خاصة للحقن



طيب واختبار الحساسية؟؟ بنعمله ازااااي؟؟

في نص الدراع كده نص ملي من الدواء اللي عاوز اعمله اختبار



واستنى 10 دقائق 10 دقايق لو الجلد احمر في المنطقه دي والعيان بدأ يهرش يبقي عنده حساسيه من الدوا ده يبقى مديهوش الدواء
ويفضل استخدام إبرة الأنسولين لأن سنها صغير وهتساعدك في الاختبار

وآدي الفيديو أهه





وفي ختام الحقن ليكوا عندي شوية فيديوهات كده فوق البيعه زي مراجعة سريعه
اتفضلوا





انتظروا Stitch قريباً بإذن الله
والله الموفق
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الأحد 04 يوليو 2010, 3:25 pm



ملحوظة صغيرة كده:
ايه اللي يفرق بين واحد ايده تقيله وواحد ايده خفيفه في اعطاء الحقن زي الناس ما بيقولوا؟؟؟؟؟؟؟
بصوا يا دكاتره هي حاجه كانت واضحة في الفيديوهات ومرضيتش اقولها علشان تستنبطوها لكن للأسف ملقيتش حد عارفها فهقولها كهدية
الفرق انك لما تيجي تدخل بالحقنة IM تدخل بسرعه وبقوة وكمان بتكون قارص على الجلد أو ضاغط حسب كمية Fat زي ماقلنا فبيحس هو بالظغط ويقل الأم وكمان لما تدخل بسرعه وبقوة ايديك مبتهتزش كتير فمبتقطعش في Tissue قوي فبتقلل الألم وكمان السرعة هتخلي اختراق الجلد اسرع فيحس الألم في وقت صغير...
لكن ملحوظة صغيرة برده وهي أنك لما هتدخل بسرعه وبقوة تخلي بالك من العمق علشان متدخلش مرة واحده وتخبط في Bone يبقى آلمته أكثر خلاص؟؟؟
يارب المعلومة تكون وصلت وتستفادوا من الشرح
ياريت لو حد قرأ الشرح يرد علشان أعرف ان في حد بيقرأ فأحط stitch ياريت ونقول رأينا بصراحه وأي استفسار برده تحت أمركم


الرجوع الى أعلى الصفحة اذهب الى الأسفل
محمد شوقى
بدون لقب
بدون لقب
avatar

عدد المساهمات : 53
تاريخ التسجيل : 05/07/2010
العمر : 25
الموقع : http://www.facebook.com/#!/?ref=home

مُساهمةموضوع: رد: شرح دورة الإسعافات*****   الأربعاء 14 يوليو 2010, 2:33 am

الله عليك يا دكتور على فكرة الى يقراة هنا مش لازم يجى الدورة ههههههه

________________________________________________


The difference between bravery and stupidity is measured only by the result
الرجوع الى أعلى الصفحة اذهب الى الأسفل
http://www.facebook.com/#!/?ref=home
????
زائر



مُساهمةموضوع: رد: شرح دورة الإسعافات*****   الأربعاء 14 يوليو 2010, 9:48 am

هههه
طب ابقى اعملها كدة
(اتوصى بيه يا أبيض فى التصحيح:D:D)
ss
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الأربعاء 14 يوليو 2010, 2:56 pm

لأ أنا بحب محمد جدا والله
لأنه شخصية محترمة وملتزم قدر المستطاع
يارب لدورة تكون مفيدة لكل الناس ومفيش حد يكون زعل مننا لأي سبب
jh
الرجوع الى أعلى الصفحة اذهب الى الأسفل
محمد شوقى
بدون لقب
بدون لقب
avatar

عدد المساهمات : 53
تاريخ التسجيل : 05/07/2010
العمر : 25
الموقع : http://www.facebook.com/#!/?ref=home

مُساهمةموضوع: رد: شرح دورة الإسعافات*****   الجمعة 16 يوليو 2010, 11:52 pm

لية كدة يا ابو سمرة دا انت حبيبى

________________________________________________


The difference between bravery and stupidity is measured only by the result
الرجوع الى أعلى الصفحة اذهب الى الأسفل
http://www.facebook.com/#!/?ref=home
آية
بدون لقب
بدون لقب


عدد المساهمات : 1528
تاريخ التسجيل : 19/12/2009

مُساهمةموضوع: رد: شرح دورة الإسعافات*****   السبت 17 يوليو 2010, 7:57 am

السلام عليكم ورحمة الله وبركاته
تمام كدة
نزله يادكتر اظن الناس بتشوفه وكمان طريقته حلوة
كمان لسة فيه ناس ممكن تشوفه قبل الامتحان ..... او لو حبين يراجعوا بعد ماخلصوا الدورة او حتى اللى لسة هيبدأوا
جزاكم الله عنه خير
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الإثنين 19 يوليو 2010, 11:39 pm

بجد جزاك الله كل خير ربنا يوفقك فى حياتك ان شاء الله انا بجد استفدت
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الإثنين 19 يوليو 2010, 11:45 pm

أهلا بيكى د.وفاء

(متنسيش الحلاوة بقى:D:D )


عدل سابقا من قبل محمد سمير في الجمعة 23 يوليو 2010, 8:18 pm عدل 1 مرات
الرجوع الى أعلى الصفحة اذهب الى الأسفل
عبدالله الأشموني
رجل المستحيل
رجل المستحيل


عدد المساهمات : 2176
تاريخ التسجيل : 27/05/2010
العمر : 26

مُساهمةموضوع: رد: شرح دورة الإسعافات*****   الإثنين 19 يوليو 2010, 11:47 pm

كفاية الدعوتين دول والله

الأبيض بجد هيتشجع أنه يكممل
جزاكم الله خيراً

________________________________________________


قال رسول الله صلى الله عليه وسلم: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له

[center]



ثورة وكل سنة وانتو طيبين

يا من بآبكس حالياً إليك وصيتي .. لقد بدأنا الفكرة من زمان

فلا تجعلوها ع كتفي الشمال ثقيلةُ .. إنا ابتغينا بها الرحمن

إذا لم تحكموها إدارة .. صارت ملاذاً لكل شيطان

اغلقوها حينها فضيلةُ .. كفى ما بي من الذنوب اسير

:)
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الإثنين 19 يوليو 2010, 11:50 pm

يلا يا عم
(روح ذاكر بقى هههههه)
الرجوع الى أعلى الصفحة اذهب الى الأسفل
إسلام عمران
بدون لقب
بدون لقب
avatar

عدد المساهمات : 85
تاريخ التسجيل : 09/02/2010
العمر : 26

مُساهمةموضوع: رد: شرح دورة الإسعافات*****   الثلاثاء 20 يوليو 2010, 9:26 pm

ايه الجمال ده ياابيض جزاك الله خيرا
استمرررررررررررررررررررررررررررررررررررررررررررررررر
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الثلاثاء 20 يوليو 2010, 9:31 pm

هههههه
ميييييين
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الأربعاء 21 يوليو 2010, 4:49 am

وفاء كتب:
بجد جزاك الله كل خير ربنا يوفقك فى حياتك ان شاء الله انا بجد استفدت

شكرا جزيلا على الدعوة الجميلة دي
ويارب الدورة تكون عجبت حضرتك وتكوني استفدتي بكل كلمة
كملي معانا استفادة بأه بشرح الStitch بإذن الله
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الأربعاء 21 يوليو 2010, 4:50 am

إسلام عمران كتب:
ايه الجمال ده ياابيض جزاك الله خيرا
استمرررررررررررررررررررررررررررررررررررررررررررررررر
شكرا يا سلم
بإذن الله مستمرررررررر
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الأربعاء 21 يوليو 2010, 5:05 am



Stitch


يعني ايه Stitch ؟؟؟؟؟
Stitch يعني في جرح له 2 edges وأنا عاوز اضمهم على بعض أو أقربهم من بعض علشان ايه؟؟؟؟؟؟؟؟
علشان اسرع عملية Healing وامنع Infection..


عاوز الناس تركز معايا كويس وتجمد قلبها علشان هنشوف صور فظيعة دلوقتي علشان نتعود عليها علشان شغلنا في المستشفى بإذن الله

طيب ركزتم؟؟ يللا بينا..بس قبل ما نتكلم عن Stitch نتكلم شوية عن أنواع الجروح اللي ممكن تقابلنا وإزاي بتصرف مع كل نوع





Contusions-1





ده عبارة عن Collection of Blood due to Rupture of Subcutaneous Blood Vessels وده بيكون نتيجةTrauma وفي الحالة دي بحط للمريض Ice Bags علشان أوقف Bleeding ده وبعدين بطمئن على ال Organs الداخلية علشان لو في اي اصابة أو حاجة








Abrasions-2

وده عبارة عن Destruction of superficial layer of epidermis يعني بالعربي كده خدش ومبعملش معاه غير اني بطهره زي ما هنقول بعد شوية وبغطيه بشاش وخلاص





Incised Wounds-3





وده بيكون نتيجة آلة حادة زي سكينة أو مطوة مثلا وبتكون edges بتاعة الجرح في معظم الحلات منتظمة وعادة بينزف كتيير وده بتعامل معاه بأني بطهر الجرح وأوقف النزيف وبعد كده أخيط بس مش هنتكلم دلقوتي عن الخياطة غير لما نخلص بقية الأنواع .. متستعجلش على رزقك





Contused Wounds-4





ده هو التمزق وبيكون نتيجة حاجه جامدة وحاده وكبيرة في نفس الوقت زي حجر كبير وبتكون كتيرة في الحوادث وحواف الجرح بتكون غير منتظمة الشكل تماما وده مبعملش معاه حاجه غير بطهر الجرح واوقف النزيف وبسس بعد كده بيتعرض جراحه وعظام أحنا ملناش دعوه بيه نهائي







Stab Wound-5





ده اللي هو الجرح النافذ يعني واحد غزه بمطوه أو سكينه وواضحه في الصور لكن احنا ايه دورنا معاه؟؟
مش هنعمل معاه حاجه غير اننا بنثبت السكينة دي أو الجزء المغروس في الجسم ده بقدر الإمكان ومنحركوش علشان ميقطعش Viscera جوه الجسم وبنقله للمستشفى وبيدخل عمليات ويتعمله أشعه ويخرجوه هما بمعرفتهم علشان ميبوظوش حاجه لكن لو حضرتك فكرت تشيل السكينة دي من جسمه يبقى هتعمل نزيف وهتقطع أعصاب وأعضاء وهتوديه في ستين داهية







مطوة وسكينة مع بعض اهه يللا ابسطوااااا





كده خلصنا أنواع الجروح ندخل بأه في خطوات Stitch
بس بعد الفاصل بإذن الله

على فكرة الرد ده ممكن ييجي منه في الامتحان أنا قلت اهه وكان اتقال في شرح العملي
يللا سلام مؤقت
لو في أي استفسار تحت أمركم




الرجوع الى أعلى الصفحة اذهب الى الأسفل
Rabab
تائبة الى الله
تائبة الى الله
avatar

عدد المساهمات : 326
تاريخ التسجيل : 12/06/2010

مُساهمةموضوع: رد: شرح دورة الإسعافات*****   الأربعاء 21 يوليو 2010, 2:25 pm

السلام عليكم ورحمة الله وبركاته

انتم بجد بتشوفوا الحاجات دى فى المستشفى
بجد حرام عليكم
انا اترعبت من الصور سبحان الله
صاحبها بيستحمل ازاى
ما شاء الله عليكم قلبكم حديد
انا دخلت الموضوع ده غلط
ربنا يقويكم
الرجوع الى أعلى الصفحة اذهب الى الأسفل
آية
بدون لقب
بدون لقب


عدد المساهمات : 1528
تاريخ التسجيل : 19/12/2009

مُساهمةموضوع: رد: شرح دورة الإسعافات*****   الأربعاء 21 يوليو 2010, 2:37 pm

السلام عليكم ورحمة الله وبركاته

من اولها ولا ايه يارباب دا انا بقول انتى اللى هتنصفينى فى المجموعة

استنى عليا بس واما ننزل المستشفى اخليكى تيجى تتفسحى هنا كل يوم........ ss

ما تخفيش ياستى الحالات ببتبقى اسهل من كدة اقولك ليه .......... اصل بتيجى من غير السكينة

عايزايكى بقى 3 مرات بعد الاكل كل يوم لحد مانروح المستشفى تتدخلى هنا ولو خلصتى عيدى الروشته ...... قصدى عيدى الموضوع من الاول


استمر يادكتر متابعين ان شاء الله.......... جزاكم الله خيرا
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الأربعاء 21 يوليو 2010, 2:54 pm

السلام عليكم

احم احم

(غلط كمان)

وكان فى محاضرة نظرى انبارح منحضرتش

يوم الاحد فى شرح العملى ان شاء الله من 9 الى 3 العصر

السلاام عليكم
(جيب الكشف يا أبيض)


الرجوع الى أعلى الصفحة اذهب الى الأسفل
آية
بدون لقب
بدون لقب


عدد المساهمات : 1528
تاريخ التسجيل : 19/12/2009

مُساهمةموضوع: رد: شرح دورة الإسعافات*****   الأربعاء 21 يوليو 2010, 3:04 pm

السلام عليكم

ان شاء الله طبعا العملى كله هينحضر من غير غياب خالص



عدل سابقا من قبل آية في الأربعاء 21 يوليو 2010, 8:33 pm عدل 1 مرات
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الأربعاء 21 يوليو 2010, 3:11 pm

(معلش يا أبيض الغياب وراك وراك حتى فى مواضيعك هههههه)

اكيد ان شاء الله مفيش غياب
وبجد تكون بزعلة كبيييييرة على غياب الأبكساويين بالذات

ان شاء الله مفيش زعل :d:d = مفيش غياب

zz
الرجوع الى أعلى الصفحة اذهب الى الأسفل
????
زائر



مُساهمةموضوع: رد: شرح دورة الإسعافات*****   الأربعاء 21 يوليو 2010, 4:34 pm

Rabab كتب:
السلام عليكم ورحمة الله وبركاته

انتم بجد بتشوفوا الحاجات دى فى المستشفى
بجد حرام عليكم
انا اترعبت من الصور سبحان الله
صاحبها بيستحمل ازاى
ما شاء الله عليكم قلبكم حديد
انا دخلت الموضوع ده غلط
ربنا يقويكم
طيب الحمد لله أنها آتت ثمارها
انا دورت على أفظع الصور ووضعتها علشان تاخدوا على كده وبالنسبة للغياب أنا زعلت لما وجدت أن حضرتك غايبه عن المحاضرة لأن ميصحش خالص دكتورة معانا على المنتدى والمفروض بتشوف المواعيد ومتحضرش إلا إذا طنشتنا خالص بأه
وأرجوا الكلام ده ميتكررش بإذن الله
لكن أنا عاوز رأي حضرتك في الشرح نفسه بلاش الصور
ss
الرجوع الى أعلى الصفحة اذهب الى الأسفل
Rabab
تائبة الى الله
تائبة الى الله
avatar

عدد المساهمات : 326
تاريخ التسجيل : 12/06/2010

مُساهمةموضوع: رد: شرح دورة الإسعافات*****   الأربعاء 21 يوليو 2010, 4:41 pm

السلام عليكم ورحمة الله وبركاته
احنا انكشفنا وخلاص
ماشى ان شاء الله مفيش غياب تانى
والله انا كان فى نيتى احضر العملى بس
بس خلاص ان شاء الله احضر كل المحاضرات
دا كفايه ان ايه هى المشرفه بتعتى
وبجد شرح متميز يا دكتر
واكيد بتتعب فيه
ربنا يقويك ان شاء الله
ومتابعه
الرجوع الى أعلى الصفحة اذهب الى الأسفل
 
شرح دورة الإسعافات*****
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
APEX :: قسم الزوار :: الاسعافات الأولية-
انتقل الى: