وسع طريق الاسعااااف

السلام عليكم ورحمة الله وبركاته
(ماشى يا عمرو)

أما البروفين ده فهوة مسكن ANALGESIC

بنستخدمه فى مرحلة ما بعد الخياطة POST-STETCHS STAGE
البروفين فى منه 200 وفى منه 400 حسب الحالة اللى قدامك
ان كان طفل كبير شوية (10 - سن البلوغ) يبقى قرص 200 عند اللزوم
وان كان ADULTيبقى قرص200 أو 400 عند اللزوم

طبعا محدش يقللى بنديه للأطفال
هههههههههههههههههه
ده للكبار بس
الأطفال بياخدو مسكنات تانية هنقلها بعدييين ههههههه
------------------------------------------------
أنما بقيت الوصف
ههههههههههه
ده ولا حاجة [ندعوك للتسجيل في المنتدى أو التعريف بنفسك لمعاينة هذه الصورة]

( ههههههههه كدة بقى دخلنا المستشفى)
مممممممممممم
المستشفى طبعا اللى بنتكلم عليها هية مستشفى الجامعة اللى بابها على يمين باب كلية التمريض
(طب واحد يقللى فين باب كلية التمريض ده)
ههههههه
هقلله على يمين باب كليتنا من الشارع الرئيسى (طب فين الشارع ده --بين مستشفى القصر وكليتنا)
وبعدييييين
--------------------------------------------------
هتدخل من باب اللمستشفى (ده شىء طبيعى يعنى ههههههه)
أول ما تدخل الباب هتلاقى(فى الهول) مكان هادى نوعا ما ولا يوحى بما فى الداخل(معجنة ههههه)
غرفة كدة على الشمال بنعمل منها التذاكر للحالات اللى داخلة وكمان الcallsللدكاترة للإستدعاء الطارىء
وقصادها على اليمين غرفة الأمن (ملكش دعوة بيها)
ان بصيت قدامك هتلاقى فى الوش على اليمين طرقة كدة هتوديك على غرفة الولادة (شمال) بعدها باب ألوميتال بينها و بين بنك الدم(على اليمين بعد الباب) وقصاده معمل التحاليل والحمامات
----------------------------------------------------
ما علينا
نرجع تانى للأول (على شمال مدخل الطرقة دى)
هتلاقى سلم طالع لفوق على دور العمليات (الدور التانى)
العناية المركزة وأقسام المستشفى المختلفة
آخر دور هتلاقى سكن الأطباء والطبيبات (كل واحد فى ناحية)
------------------------------------------
ونرجع تالت للأول(فى الهول)
نخش بقى على شمال السلم ههههه

....................


بعد العصر بقى ان شاء الله

قبلها هنتكلم شوية بس على سكن الأطباء(الدور الخامس)
ده للناس اللى ممكن يقعدو فترة طويلة فى المستشفى
وبالتالى بيحتاجو حجات تانية علشان ميخرجوش برة المستشفى

السكن أساسى فيه غرف مفروشة للأطباء المقيمين ونواب الأقسام المختلفة
وبالتالى هناك أكيد فى مطعم كويس (طبعا مش احسن من البيت) لكن فيه طبيخ وكل حاجة
السكن ده للأطباااء فقط اللى بيشتغلو فى المستشفى

طب احنا بقى هنعمل بيه ايه
-----------
هناك برضو هنلاقى مسجد صغير كدة علشان وقت الصلاة
الحمامات محترمة أكيد عن اللى تحت فى المستشفى للى عايز يتوضأ
فى فوق ثلاجات وكولديرات ان عزتم تشترو عصاير أو تشربو شاى نسكافيه ومية ساقعة علشان الحر والناس اللى صايمة وهتفطر هناك بإذن الله
------------------
طبعاً ان شاء الله محدش من الدكاترة الكبار هيضايقكم هناك ان طلعتم والحكاية إيزى خالص زى اخواتنا الكبار ومتعاونين والله بدرجة كبيرة لأى طلب أو سؤال
المهم نحافظ على ودهم وأخويتهم ومننرفزش حد منهم

فاصل ونعود....................

ممممممم
وقفنا عند الهول على شمال السلم

وانت بتتمشى بهداوة كدة هتبص على شمالك بعد غرفة الاستدعاء ....فى بنش جرانيت كبييير كدة هتلاقى وراه الممرضات والدكاترة اللى فى غرفة الاستقبال واللى بيستقبلو الحالات أول ما تدخل المستشفى وبيعملو عليها الكشف المبدأى السريع لتشخيص الحالات وتوزيعها على أماكن العلاج بالمستشفى
هتلف بقى شمالك وتبص على الشمال والبنش لسة على شمالك
---------------------------------------------------------------
ورا البنش شوية كدة على اليمين هتلاقى باب غرفة الاستقبال وقصاده على اليمين أسانسير بايظ كدة بيصلحوه كل فترة ويبوظ تانى(ما علينا بقى)
سيبك من الأسانسير والحجات دى وخش شمال بقى على الاستقبال ......أول مرة تخش الباب هتحس الاستقبال ضيق ..مكتب حديد وراه كراسى بلاستيك زى بتاعت الاتستاد كدة وكمان شوية دكاترة قاعدين يشتقبلو الحالات (سيبك منهم)ولف يمينك----مكان واسع ---3 دواليب حديد على اليمين فيها حجات كتير هنتكلم عليها بعدين
4 أو 5 سراير نايم عليها الحالات ودكاترة لاستقبال بيكشفو عليهم.....منهم اللى جاية بابنها الصغير والدكتور بيكشف ويكلمهم وهوة واقف.....اللى عنده صداع ظيع فى راسه وبيصرخ بصوت عالى والدكاترة بتديلة حقنة مهدئة.....واحد جاى فى خناقة ورجله مش عارف مالها وأهله جايين معاه شيلينه ومتغرقين دم (ما علينا برضو).....واحدة حامل جاية مغمى عليها وجوزها مزعقلها ومش عارف ايه ههههه
-----------------------------------------------------------------
ممممممم حجات كتير و أكتر من كدة بكتير طول ما تفضل مدة اكبر فى الطوارىء -واللى يعيش ياما يشوف -
الحالة بتطلع من الاستقبال بعد تشخيصها وبينكتبلها فى التذكرة على المطلوب
عرض عظام وأشعة.......محلول ملح أو حقنة مسكنة ..مضاد حيوى..10وحدات انسولين..غرز وغيار ..مصل تيتانوس وتوكسويد.....(دى حجات صغيرة)
لحد بقى وانت طالع ....حجز فى قسم الباطنة....عناية مركزة....واحد عنده تروما فى راسه وهيعمل أشعة مقطعية على المخ(وهنقول بإذن الله مكان الأشعة المقطعية والأشعة العادية)....واحد هيتعرض على قسم النفسية و العصبية........
-------------------------------------------------------
(حتة أفلام بقى)
----عربية الاسعاف جاية بالسارينة العالية ومنورة أحمر وأزرق طيييييييييييط .الناس بتجرى بسرعة على برة واتنين شادين معاهم تروللى(سرير حديد بعجل).العربية تدخل البوابة الحديد بظهرها ويفتحو الباب بسرعة. 4 مسعفين من عمال المستشفى يشدو التروللى اللى جوة العربية وينيموه....يسحبو واحد لونه أزرق مدى على أسود كدة --شكله بيموت--يسحبو الراجل على الترولللى اللى معاهم ويزقوه بسرعة على المطلع اللى داخل المستشفى....الناس فى الاستقبال تجرى بسرعة ....جهاز ضغط....دكتور معاه tourch(كشاف)يفتح عين الراجل وينور التورش فيها....صوت عالى وصويت....الأمن فى كل مستعد لأى حاجة غلط ....غرفة الاستدعاء--على نائب التخديرالنزول حالاً للاستقبال للضرورة القصوى--(مش هتسمع كلمة طبيب التخدير دى كتير على فكرة)....
***********************************************
ت ت ت تيييييييييييييت
ديييييييييييييييييييييييييييد
وسع طريق الاسعاااااااااااااااااااااف
مع عمرو

(ههههههه)

وواحد كدة
[ندعوك للتسجيل في المنتدى أو التعريف بنفسك لمعاينة هذه الصورة]
................................................................
فووووووووووووو
................................................................
فاصل اعلانى
[ندعوك للتسجيل في المنتدى أو التعريف بنفسك لمعاينة هذه الصورة]

ممممم

فاصلنا طول كتييييير

النتيجة كانت لسة ظاهرة وقتها

الحالة كانت الحمد لله على الآخر
مرضيناش نكمل لحد ما الاثر يزول
المهم انى لقيت ان محدش رد فى البرنامج خالص من بره
ومش عارف بصراحة

هناخد رأيكم طيب

نكمل ولا لأ
ولا عندكم رأى تانى؟؟
(اللى هيجامل :D:D هوة الخسران وربنا يسامحه)

طيب يقى انا هسالك سؤال لولبى لو واحد جايلى اخيطة و حاتة زفت على الاخر و خيطتة و انا عارف ان جرحة كان متلوث على الاخر و هو عندة حساسية من التيتانوس اعمل معاة اية !!!!!!!!!!!!!!!!!!!!!!!

ههههه
فالح يا باشمهندس
هتفك الخياطة طبعا
وتنظف ب هيدروجين بيروكسايد لحد ما يطلع رغاوى:D:D
وان صووت منك عادى خالص ولا يهزك
بعدين تنضف الجرح من جوة لبرة علشان الانفكشن متدخلش
وتخيط عادى بقى انت وفهمك ومش هنشرح استتش بقى:D:D

طبعا مش هوصيك ان مكنش اتعرض عظام او نيورو تبقى تبعته هناك الاستقبال تانى وتكتبله كدة فى التذكرة قبلللللل ما تخيطططط

ومتديلهوش تيتانوس يا معلم

ANTI-BIOTIC BROAD SPECTRUM محترم
يعنى مضاد حيوى واسع المجال

اديله DURASAFE أقراص كل 12 ساعة ان كانت حالته مش جامدة أوى

أما ان كانت فحت خااالص(زى مثلا حماره نطحه أو فاس مثلا على رجله أو جاموسه ادته بالروسية:D:D)ومن غير ضحك
ياخد AUGMENTIN 1000 مرة واحدة فى اليوم


وكمان ياخد مضاد للورمان كانت الخبطه على BONE PROMENENCE
ومتورمةANTI-ODEMATOUS

اسمه MAXILLASE


ومسكن ANALGESIC
وPROFEN 400 عند اللزوم فقططط

الحمد لله على نعمته
وبالله التوفق

مممم
شكلنا هنكمل كدة:D:D

لا كدة انا ارفعلك القبعة

هههه
شكرا يا محمد على المتابعة
شكل محدش بيدخل هنا غيرك أصلا:D:D

الصراحة معنديش وقت متبقى أفرفش وأكتب حجات زى دى علشان دماغى مش فايق

ان شاء الله هأقفل الموضوع ده لحد ما الاقى بال هادى

السلام عليكم