مشكلتي.....!!

بسم الله

السلام عليكم ورحمة الله وبركاته
ازيكم...عاملين ايه...؟؟
يا رب تكونو بخير وسلامة

.........................................
كام مرة قابلتك مشكلة وجابتلك شلل نصفي ورعاش


او حاجة حيرتك ومعرفتش تعمل ايه

أو حد حاططك في دماغه ومش عايز يسيبك ف حالك




اوعا تزعل نفسك


...................................
لا سحر ولا شعوذة

لو أي حد عنده أي مشكله من أي نوع...وحابب يسمع نصيحه...احنا تحت أمره....
مجرد نصيحه......

شاركنا باللي تقدر تقوله من معلومات عن مشكلتك....ولو تحب حفاظا على خصوصياتك...متذكرش لا اسمك ولا اي تفاصيل حتى
.اعرض مشكلتك .....والعبد لله هيقدملك نصيحه...سواء من اجتهادي أو بمشورة أهل الثقة....
...............................................
من زمايلك.....:

حد مش عارف تتعامل معاه من اصحابنا الرخمين
حد بيعاملك بطريقة غير لائقة
حد كل همه انه يضايقك
حد أناني
حد قليل الأدب
حد بجح
حد كذاااااااااااااب
حد ممل
..........................
وبردو....حد عنده مشكله وعايز تساعده
حد زعلان منك
حد زعلان منه
حد طيب زياده
حد صعبان عليك
حد غيران منك
حد غيران منه...
حد عايز تتجنبه
حد بتحترمه
حد بتحبه وبتثق فيه
....................................
مشكله مع
والدك
والدتك
اخوك أو اختك
عمك خالك
................................
مشكلة مع النظام
الإدارة
الدراسة.....

...................................

مشكلة مع نفسك


.................
مشكلة مع الأسرة أو الكلية أو شكوى




يسعدنا نسمع مشكلتك ونقدملك النصيحة....
في انتظار سماع مشكلاتكم ....وعلى استعداد للمساعده




والسلام ختام

إزاي أتخلص من أنشغال عاطفي?

محمدين كتب:

إزاي أتخلص من أنشغال عاطفي?

استاذ محمدين
انتا شكلك خايف تشاركنا حتى بأهم التفاصيل ولذلك هنقضيها افتراضات اوك؟؟
بص يا سيدي....احنا شباب زي بعض ومش هخجل ...أوي....من كلامي معاك لكن أنا مش هقوللك حاجة تضرك أبدا...عايزك تثق في ده
................................................
نفرض أولا ان إنشغالك ده ....من طرف واحد.......يبقى بتستنزف وقتك وطاقتك في اوهام يا خال وانتا شكلك عارف ده ف بتقول ازاي اتخلص منه...
..................................................
أو .....فيه طرف يمكن منفضضضلك ومديك قفا ........وانتا يأست من المحاولات ...يمكن!!
.....................................................
أو فيه طرف وصارحته لكن لقيت رفض ....
........................................................
أو كانت الحكاية ف السلاسة وبعدين حصل مشاكل اضطريت لقطعها...وليكن ما يكن
....................................................................................



وات افر حصل ...أنتا عايز تتخلص من الانشغال....
بص يا سيدي....
بدام مفيش فايده والشخص دا ...مش عارف تفهّمه تعرّفه او حاسس انك من جواك مقضيها لعب مثلا او مش قادر تكمل معاه
فيستحسن متضيعش وقته ومتحرجش نفسك اكتر من كده .....علشان انتا لو واد جد مش بتاع لعب كنت عملت حاجة من اتنين ...يا مشيت الموضوع صح ....وحافظت ع الشخص ده اكتر من اختك وزياده...يا اما بردو حافظت عليه وبعدت عنه
ده فرض
...............................................................
الفرض التاني انك بعدت عنه فعلا حفاظا عليه أو نتيجه رفض أو اي سبب كان ....ومش قادر تنسى.....
فأنا بقوللك...محدش يقدر يقوللك انتا تقدر تعمل ايه أو متقدرش تعمل ايه ...ده شئ محدش يعرفه غيرك....والانشغال أهيف من انه يسيطر عليك......


عايز افكرك ....ان فيه ناس كتييييييييير لها حقوق عليك.....زي زمايلك كلهم غير اهل بيتك...وصدقني الانشغال في موضوع زي دا ...يخلى تقصير الواحد حتى على نفسه واضح وملحوظ


اشغل نفسك بحاجات اهم.....أيوة متستغربش فيه حاجات اهم كتييييييييييييييييير
خصوصا حق ربنا علينا ف الشهر الكريم...حق صلة الرحم...حق أهل بيتك في اهتمامك بيهم....حق نفسك عليك
اشغل نفسك بشئ يفيدك ...ومتبصش على شئ فات أو بدام اللي فات مبصش عليك


لو في طب....انزل المستشفى اشغل وقتم بأي شئ...أكيد عندك هوايات يا جدع.....
وخلى عندك ثقة في ان ربنا عاينلك حظك ومحدش بيفوته رزقه يا سيدي.....
ولو بصيت لزمايلك زي منا بصيت لزمايلي هتلاقي ان فعلا ...لأسه بدري ....


وبعدين متستعجلش....كله بيبقا كده ف الاول وعذاب ومش عارف ايه...وتلاقي الطلاقات بعد الجواز على ودنه....وكانو هيمانين يا عيني قبل الجواز....ده علشان مفيش حسن اختياااار.......وتسرررع زايد
لازم الصبر والتأني...والتفاااااااهم...لازم تلاقي حد يفهمك ومتفرحش بأي حد
....................................................................



يمكن الكلام كتر بس ركز معايا.....
احنا نتفق اتفاق يا ابو حميد......احنا الاتنين نحافظ على الصلاة من دلوقتي...
كل صلاة في وقتها ...علشان انا كمان مقصر في الصلاة...وكان عندي انشغال عاطفي بردو

فكر معايا كده
الواحد ينشغل بشئ لا يصيبه منه سوى وقت وجهد ذهني وتعب جسدي
وينسى الشئ الوحيد اللي يميزة عن الكافر
النبي عليه الصلاه والسلام قال

تارك الصلاة كافر


يخي تولع النساء وسنينهم لو كان ابدى عندنا من دينا
فأنا هقوم دلوقتي اصلي الظهر ...وأتمنى انك يا اخي تكون من الملتزمين فيما يتقدم ان شاء الله
وتذكر دايما ان ربنا بيدخر حظ البني آدم الي ان يصل لمستوى معين سواء من الفهم أو القدرة أو السن
تقدير رباني









نورتنا يا ابو حميد ومتنساش اللي اتفقنا عليه..


والسلام ختام

أبويا خانقني يا اسلام....ومش قادر استحمل ......بيعاملني زي العيل الصغير ...مش قادر يحس اني كبرت ...
ودايما بنتخانق ...ومحسسني اني ازبل بني ادم ف الدنيا
انا كده فعلا وللا ده احساس بس ..
 
    

أخويا مزعلنى قوى بالكلام والفعل
كل ما أصالحه يصدنى
ومصر انى أنا الغلطان

حسن كتب:

أبويا خانقني يا اسلام....ومش قادر استحمل ......بيعاملني زي العيل الصغير ...مش قادر يحس اني كبرت ...
ودايما بنتخانق ...ومحسسني اني ازبل بني ادم ف الدنيا
انا كده فعلا وللا ده احساس بس ..

بسم الله
الحل بسيط خالص يا حسن
أولا.......بيعاملك كعيل يبقى تحاول تفرض شخصيتك ......علشان بدام بيعاملك كده يبقى العيب في شخصيتك ...أو على الأقل ضعف...أنتا مش قادر تحسسه بأفعالك أ و بأقوالك...

...................................................
بخصوص خانقك دي هقوللك كلمة واحدة


وبالوالدين احسانا
ولو ضربك بالجزمة ده أبوك....وسوءك معاه بيضعف وبيوسخ منك أكتر
خليك صافي زي الحليب

..........................................
صدقني يا حسن ...كل الناس نفسها كل الناس التانية تعاملها باحترام ...من ضمن اقرب الناس ليها بردو
بس غالبا اقرب الناس ليك مبيحسوش انك كبرت بتفضل العيل اللي حبوه وربوه من ساعة متولد ...

متتضايقش..ده مجرد احساس لأنك في مرحلة انتقالية ....



ده رأيي




وصدقني .....محدش يستاهل معاملتك الحلوة أكتر منهم

اسألني أنا ...
اكتر الناس اللي افتكرت انهم أقرب ليا ...عملو معايا أسوأ الأشياء واستحملت ...ليه معرفش ....ف من الأولى إني استحمل والداي ...إلا عمرهم مهيعاملوك بنفس السوء









بكره هتفهم كلامي كويس




نورتنا يا أبو على

سلوم كتب:

أخويا مزعلنى قوى بالكلام والفعل
كل ما أصالحه يصدنى
ومصر انى أنا الغلطان

ازيك يا سلوم...
واضح من كلامك ان فيه مشكلة حصلت ...لكنك مشاركتناش بأي معلومات ....وتجاهلت معرفتنا بالمشكلة...ومنقدرش نقول انتا غلطان او مش غلطان ....فإسأل نفسك السؤال ده ...ليه مقولتش المشكلة؟؟؟هل بتنحرج منها ؟؟؟أو انتا غلطان ومكابر ومش عايز تقول ؟؟؟
واجب في نفسك ...
..........................................
انتا عارف اذا كنت غلطان وبتكابر أو اخوك اللي غلطان

لكن

افهم
ليه اخوك مصر انك انتا اللي غلطان ؟؟؟؟
أكيد فيه نقطة موصلتش لفهمك أو مش قادر توصلها ...او انتا شايفها متضايقش لكن ضايقت اخوك بالفعل

....................................
what ever


وليكن اخوك اللي غلطان يا سيدي ومصر انك انتا اللي غلطان


خليك انتا الكبير...غلطان غلطان يا سيدي...
وكبر دماغك زي مبتكبر دماغك لناس تانية.............هه...فاهمني ....مهماش اخواتك اساسا.....
وانا معرفش شخصيتك
لكن الأسوأ لو كنت بتكابر فعلا
هتخسر كتير

...وسيبه فتره علام يهدى والامور هتتحسن لوحدها




خلي قلبك زي الحليب ....





نورتنا يا سللوم

حد صعبان عليك علشان الناس مبتعاملوش كويس أو يمكن هوو اللي مش   بيفوت   بياخد في قلبه على طول وبيزعل حتى من اقل الحاجات ودايما في اكتئاب وعايز انصحه ومش لاقي كلام

ما شاء الله فكرة الموضوع جميلة جدا والكلام منطقي ..وأحب أكد للجميع ان الاهل اكتر ناس تضحي عشانهم لانهم اكتر ناس بيحبوك بجد مهما حصل بينكم ولو فيه مشاكل حاول تستحمل وربنا هيعوضك بكل خير ان شاء الله.

omar كتب:

حد صعبان عليك علشان الناس مبتعاملوش كويس أو يمكن هوو اللي مش   بيفوت   بياخد في قلبه على طول وبيزعل حتى من اقل الحاجات ودايما في اكتئاب وعايز انصحه ومش لاقي كلام

الناس بتعامله وحش؟؟؟؟؟؟؟؟؟؟ ازاي يعني مش فاهم ...كل الناس بتعامله وحش .....


بص يمكن بقا فيه ناس كتير رخمه ورزلة ووحشة لكن فيه قلوب نضيفة وناس محترمة وناس رقيقة بتعامل اي حد بطريقة كويسة .....


يمكن هووا فعلا اللي بيزعل من اقل حاجة ...



بس انا اسف .....فكرت ف حل مش عارف ..اتمنى ان حد يرد علينا ....
لكن انا اعرف حاجتين
اكيد شخصيته ضعيفة حبتين ..ومن الافضل انه ...يعرف اللي بيحبوه وبيعرف يتعامل معاهم ويقرب منهم
يبعد عن الحاجات اللي بتضايقه .....


منقدرش نقول يواجه لأنه حد شايف اللي شايفه ده يبقى هيواجه الناس كلللللللللللها واكيد هيتصدم وهيتعب كتير وغالبا احساسه خاطئ لأن مفيش حد كويس ....الناس كلها بتعامله وحش




يعيد تقييم ذاته................................! بس





يا ريت لو حد عنده حل افضل او عنده مشاركه او تجربه مع حالات مماثلة يقدر يساعدنا





نورتنا يا عمر

مش عارفه اذااااااااااااااااااااااااااااكر

تعبانه

قلقانه

كل ما اقول خلاص هذاكر اقف وما احصلش حاجه
رغم اني باخد بالاسباب اقرا قرآن اهيئ الظروف

كله مدوخني
باثولوجي فارما بارا

تعبت

والمشكله ان احنا في اول السنه

أفيدونا يا قوم

لا لا

دا هيلبر تيم يا اسلام

:D:D

هجاوب ماشي؟؟

-----------

بالنسبة للكلام دا

وأدام أنت صريحة يعني وعاوزة الصراحة يعني

الكلام دا ميأكلش لا حلاوة ولا جبنة

أولاً انت ممكن تكوني واهمة نفسك زيادة عن اللزوم

طب لو بنت يعني بنت

قوليلنا انت ذاكرتي أو قرأتي أيه لحد دلوقتي

في المواد كلها

وبتاخدي كورس في أيه لحد دلوقتي

وطريقة مذاكرتك وعدد الساعات يعني أو الدقايق

وأيه اللي بيشغلك غير القلق والتفكير

يعني وسائل الترفيه
التلفزيون والنت ؟؟ بس والا حاجة تانية
ومهتميية بيهم

بس مبدأي يعني
مفيش حاجة تتعب إلا انشغال من الناحية النفسية أو العاطفية يعني
فلازم تتخلصي منه أصلاً لو فيه لأن دا هو الهلاااااك لأي واحد
لو كان ماشي في طريق غلط

منتظرين الرد ع الأسئلة اللي فوق
وآخر نقطة ناخد بالنا منها يا دوكتر

ورقه ميكرو
اتنين فارما

وبسسسسسسسسسسس

وليه يا دكتر بنت بنت
اه بنت

هو الفكره اننا دحاحين يعني

أكيد اذكياء لكن دحاحين بتفرق

المشغوليات بقه
مافيش حاجه

نفسيا تمام الحمد لله

المهم اني بهرب من المذاكره او ان انا افتح تاب اساسا تلفزيون.... نت ...... قعاد مع الاسره... نوووووم

طريقه المذاكره بقي

لاااااااااازم افهم
وبروح كورس فارما

وكنت جبت المحاضرات الباثو اسمعها
بس حتي السماع مش طايقه اقعد نص ساعه علي بعض

سانكس

روميساء كتب:

أكيد اذكياء لكن دحاحين بتفرق

؟؟؟؟؟


...............................................................


اوك رد انتا يا اشموني .......الأشموني هيرد على حضرتك يا دول لأني بعاني من نفس المشكلة ........
أتمنى ليكي كل توفيق .
نورتينا يا دوك روميساء .....( يعني ايه بقا الاسم!)

أمال يا دوكتر أقول لو راجل يعني
:D:D

طب أوك

ورقيتين ميكرو
هما اللي سدّوا نفسك يا دوكتر ع فكرة

------

أولاً بالنسبة للفارما والكورس
أمممم أعتقد لغاية دلوقتي اللي بياخدوا كورس فارما
مفتحوش كتاب وقعدوا عله لأن الكلام بعد شرح الدكتور بيكون سهل كتير ونسبياً
والواحد بيكسل يقعد ع الكتاب ويفتح
يا دوب بيكتفي بالقراية في الورق وخلاص
حتى كمان في امواصلات بس

لكن لما نخش ف التقيل والحفظ هنبقى محتاجينه
هنخاف أكتر
ولما يكون علينا أمتحان برده هنخاف أكتر وهنذاكر
بأي طريقة بقى هنفهم وهنحفظ ترتيب الأجابة والنقط علشان الشكل العام بتاع الورق يكون كويس ونخد الدرجة كاملة

ماشي لازم فهم
ولازم حفظ التريب والعناوين

ولما نخاف هننضغط وهنذاكر
دابالنسبة للفارما
ويا ريت يكون الكلام مقارب للواقع
سواء بالكورس
أو من غيره بس حاسين أننا فاهمين الحكاية أزاي
وناقص بس دوكتر فؤاد منصور يحول فارما
----------

بالنسبة للمحاضرات بتاعة الباثو
يا ريت أولاً تكوني بتحضري المحاضرات
وتطلعي فاهمة نسبة كبيرة من الكلام

بالنسبة للمذاكرة بأه
ملكيش نفس تقعدي ع الكتاب وتذاكري
ماشي

غصب عن الواحد لأن أهم حاجة النفس

لكن مش هنقعد ساكتين يعني وننتظر النفس تتفتح

ممكن تشغلي المحاضرات
من خلال الموبايل
أو من خلال أم بي فور
والسماعة في ودنكم
في أي مكان أنت فيه
سواء مع الأسرة
القعدة قدام التلفزيون مملة بقت كل حاجة معادة فيه وبقى فيه هبل أصلاً
وأحنا كناس في طب يعني فهمنا بقى عالي الحمد لله

أي حاجة فيه لو شفناها بعقلنا هتلاقيه
منافية للطبيعة
منافية للكلام وأي حاجة صح منافية ليها
بيستقلّوا بالعقول

مش هقول أول مرة نشغل المحاضرات في ودانا
ونمنع الكلام والقعاد مع الأسرة وأدام التلفزيون ونقعد في أوضة لوحدنا

لا حياة طبيعية
مع بعض التنفيض للمعروض في التلفزيون
ونسيب محور الحديث اللي بيدور مع الأسرة لوحده شوية

وأحنا نحاول نسمع ونركز شوية في الكلام اللي بنسمعه والشرح
الطريقة دي
ان شاء الله نسبة 80% من الكلام هيوصل
70% هيتفهم
65% هنكون عاوزين بعد ما نسمع شوية
هنكون عاوزين نفتح الكتاب نشوف شكله عامل ازاي وترتيب المعلومات فيه

ومرة كدا هنكون عاوزين نقعد في الأوضة لوحدنا نرتب النقط دي كتابة أو نشوف هنعرف نكتب والا لأه اللي ذاكرناه
لو معرفناش نكتب

الورقة والقلم ودفتر كدا يكون زي الملخص بتاعنا
بخط كويس
عنوان الشابتر
وتحتيه النقط كتابة
أستذكار من دماغنا وبعدين قراءة في الكتاب وبعدين نقلاً في الكشكول دا


لو الطريقة حلوة
ممكن في الفارما تسجيلات الكورس لو متوفرة
في الباثولوجي تسجيلات دكتر عبدالرحمن خليفة
في الميكرو محاضرات دكتر مرعي (بس محتاجة كتاب ماسكينه وأحنا بنسمع علشان الكلام رخم شوية)
في البارا المحاضرات
أو تنفضيلها دي عادي الشعب كله بينفض للمادة دي


أمممممم
يارب يارب تحاولي الطريقة دي
وان شاء الله تفتح نفسك يوم عن يوم أنك تفتحي الكتاب وتقعدي ع المكتب لوحدك

ويوم الأمتحان تتدحّي ع رأيك
:D

---------
وتابعي برده الموضوع ياريت
وبلغينا برده
بفهمك كدا الطريقة دي هتنفع معاكي والا هتحطي عليها تعديلات؟؟

لازم المحاولة كدا كدا
بالتوفيق

السلام عليكم

هييييييييه ... دنيا

هيلبر تيم ....هيلبر تيم ......يعني مش اي كلام
دكتر فؤاد دا سكرة بس سكرة كبيرة شوية


ربنا يسهل واعمل ربع الكلام دا
ادعولي بظاهر الغيب  الله يكرمكم ...

ويا دكتر اسلام
روميساء تعني المستترة

نيجي بقه للمهم

حد يقولي احنا اخدنا لغاية فين في كل المواد بالصفحه الا الفارما
ماعيش كتابها اساسا لسه ما نزلش يعني

وحلو البرومو اللي عالجنب دا

صلاة الفجر من أهم الصلاوت ولو قدرنا نحفظ عليها يبقي مافيش خوف علينا ان شاء الله

ربنا يثبتنا يارب

سانكس بجد

منتظره
واااااتنج

تمام يا دوكتر

ع فكرة انا كنت طالع الأول
في خمسة ابتدائي

علشان كدا مسكته
:D:D

----------

ع العموم
البارا --> صفحة 35 عند عنوان ال snails

pathology ---> end of amyloidosis p; 47

micro --> bacterial genetics end of mutation --> bacterial genetics

وقت المذاكرة

وقت المذاكرة

بالنسبالي مكنتش بذاكر بليل إلا معظم سنة أولى
آجي من الكلية وأنام وأصحى أذاكر شوية كدا بليل

السنة دي
مش عارف أذاكر بالنهار
فان شاء الله هذاااكر يعني هذاكر باليل

الليل بيبقى الجو هادي ولوحدك محدش بقى تلاقه ع الميل
والناس كلها نايمة الحمد لله

بس يارب أقدر اعملها ان شاء الله

بس نصيحة بلاش قهوة والكلام دا كتير
لأنه بيتعب الأعصاب
وبرده مفيش ضغط أعصاب لأن الواحد بيتعب في الآخر

أحنا مش في ثانوية
استمتعوا باللي بتدرسوه

فيه واحد أعرفه ضغط نفسه وأخد منبهات
في الثانوية طلع بعدها عنده هايبر تونيا

--------
بالتوفيق والسلامو عليكو

أمممممم
مش عارف

مبسوط وفرحان زي العادة

بس دماغي مشغولة بحاجات كتييييييير
من فترة كتير

بحاول أتأقلم
بس مفيش فايدة خالص

التأقلم دا بيسبب أنشغالي بحاجة كمان
بس الحاجة الأصلية لسه موجودة

هي الحاجه الاصلية دي لو زي ما انا فاكر فدي حاجة مش بتتنسي بسرعة ولازم تكون صارم "حازم يعني او مصطفي مش هتفرق اهم حاجه ما تكنش سوسن" يعني تستخدم عقلك وخليك فاكر ان محاولة نسيان الشئ هي محاولة جاده لتذكره.

يا اخ معمول انتا عايزنا نفسرلك اللغز وللا نحللك مشكلتك


اللي بعده