اتفرج براحتك بس عالهادف وكمان اعمل معانا الواجب

ان شاء الله نعمل الاعمال الصالحة دي
وربنا يقدرنا عليها بالذات الصلاة علي النبي في يوم جمعة بتكون جميلة جدا
وموضوع اننا نقلل الكلام ده مفيد جدا فعلا علي الاقل مش هتتكلم عن حد ولا تغتابه وكمان تحتفظ ببعض قوتك مهو الاكل بفلوس علي رأي سيدي
بجد واجب جميل متابعين معاكم دايما

جمييل يا رقيه استمرى
متابعه معاكى الواجبات الجمييله دى

أوك

ربنا يارب يجمعنا علي طاعته كدا دايما

وزي ما قال دوك عمرو
نكرر اللي فات علي قد ما نقدر
عاوزين نخرج من الشهر عندنا حبة فضائل كدا متعودين عليها وبنعملها دايما
فأحب الاعمال الي الله ادومها وان قل

السلام عليكم

جميلة الحلقة يا دوك
(الله يكرم مستشفى الجامعة يااااااااا رب)
متنسوش تدعولها يا جماعة جااااااااد
==================
ان شاء الله هحاول اعمل كل اللى أقدر عليه من الواجب الجديد والقديم
والله الموفق

متابعون

ايوة ان نسيت اقول اني سمعت بيني وبينكم امبارح
كانت حلقة روعة وبالذات الحتة بتاعت عادل امام دي
كانت بصراحة حتة كويسة من الشيخ عوض انه يبينها للناس كويس
برنامج جميل بيجي بعد الفطار وبعده زغلول النجار علي قناة الناس ك
وبعده اروح اصلي العشا بقي سلام

معلش كنت نسيت الحلقه التانيه

جميلة الفديوهات
ظهرت اخيرا

بس ايه الواجب

مش فاهم
و مش ناوي أقرأ من الاول

اقتباس :

واجـــــــــــــــــــــــب
النهاردة
اڷترديدمع اڷمؤذڼ1
ۉصف صڷى الله عڷيه ۉ ڛڷم مڼ
ڷا يرڊڊ خڷف اڷمؤذڼ ۉهۉ يڛمعه باڷعاجز ، فهڷ تريڊ أڼ تڪۉڼ ڪذلك !!!
الدعاء بين الأذان والاقامه\2
\التسبيح دبر كل صلاه3
أجر من سبح فى دبر كل
صلاة ؟وعنه عن رسول الله صلى الله عليه
وسلم قال : ( من سبح الله فى دبر كل صلاة ثلاثا وثلاثين وحمد الله ثلاثا وثلاثين
وكبر الله ثلاثا وثلاثين وقال تمام المائة لااله الا الله وحده لاشريك له، له
الملك وله الحمد وهو على كل شئ قدير ،غفرت خطاياه وان كانت مثل زبد البحر )رواه مسلم

وكمان حاجة خفيفه
ايه رأيكم نصوم كمان عن الكلام بمعني لا نتكلم الا عند
الضرورة وبأقل القليل
انا جربتها تلات ايام ورا بعض وارتحت اوي
جربوها كدا
وكمان ما نرفضش اي طلب يطلب منا خااااااااااالص سواء
مجهد ام لا سواء راضي عنه أم لا بمعني مش هنقول لأ خالص النهارده لأي حاجه

كمان هنصلي عالنبي باللفظ دا
(اللهم صلي عالحبيب المصطفي عدد خلقك وزنة عرشك ورضا
نفسك ومداد كلماتك) مائة مرة

ومش هافكركم كل حسنة بسبعمائة ضعف في رمضان

دا كان وجب تالت يوم رمضان

رمضان كريم عالكل يا دكاترة
اللي بيعمل الواجب واللي ما بيعملهوش

السلام عليكم

هو اليوم التالت لسة مخلصي ولا ايه؟
انا صمت اربع تيام حد يقولي ياجماعة انهاردة اربعة رمضان ولا لأ؟
فين واجب انهاردة منتظريين
اوعوا تغيبوا علينا عرض النت ببلاش في المحمول خلص انهاردة
متابعتي هتكون متأخرة بس برده هنتابع متغيبوش علينا بقي

انت فين يا رقيه
مش باينه ليه النهرضه
وفين صحيح واجب النهرضه

لألألألألا ----- شغل ولا اجمل والله
والنظام الجديد ده هيكون جميل والله
النظامين حلويين لكن بصراحة التاني اجمل من غير زعل
الحمد لله الواحد بقي متابع خواطر ستة قبل الفطار مباشرة
الفضل طبعا لان الواحد بيفهم بسرعة والحمد لله
حد فهم حاجة ما علينا لمهم متشكريين اوي
يلا انا مش هبدأ النظام الجديد حد تاني يبدأه
سلامي ختامي

الله ينور عليك ياعمرو
جميل انك تكمل الموضوع وحلو كلامك يارب كلنا ناخد بالنا منه
جزاك الله كل خير يا معلم
كمل واحنا معاك

بجد برنامج أكثر من رائع
وربنا يجازي اللي جعله يتوقف وخاصة الواجب
أنا قرأت دلوقتي الواجبات اللي عدت لأني مكنتش على المنتدى لكن بجد والله بإذن الله هنفذها ومستني الواجبات القادمة بإذن الله

السلام عليكم

شكرا جزيييييييييييلا لدكتر عمرو عالمتابعه في الموضوع ومش معني كدا ان حضرتك أو أي حد تتوقفوا عن المشاركه باذن الله تستمروا

بالنسبه بقه لرمضان
انتو عارفين طبعا ان غدا ..لا اقصد النهارده 21 رمضان يعني أول يوم في العشرة الاواخر وكنت سمعت الشيخ ابو اسحاق وكمان في برنامج يستفتونك عالرساله ان احنا بنحتفل بلعشره الاواخر ازاي؟؟؟؟؟؟؟؟؟؟؟
يعني احنا الحمد لله بنصلي التراويح طول رمضان
سواء 11 أو 23 ركعه المهم متعودين علي عدد معين
نيجي بقه في العشرة دول ونزودهم يعني لما نروح نصلي اتنين اربعه علي قد ما اقدر او استني قبل السحور واصليهم تهجد يعني
بس فيه حاجه لو أوترنا في التراويح مش هنوتر تاني في صلاتنا في البيت وسمعت الشيخ بيقول ان الواحد لو عاوز يأجل الوتر لصلاته مع نفسه يأجله بس بصراحة بالنسبه لي مش هضيع وتر جماعه تضاعف فيه الحسنات وهابقي اصلي من غير وتر فالبيت وكمان الرجال لهم حظ كبير في صلاة الليل فالجوامع تفتح في العشر الاواخر ويقوم الامام بالصلاه بالموجودين جماعه صلاة تهجد كل يوم ولكن لا تفتح للنساء.

ومش هنزود في الصلاه بس
لااااااااااا
حاجات كتير
استغفار
دعاء
هدوء
وما ننساش دعاءه صلي الله عليه وسلم
اللهم انك عفو كريم تحب العفو فاعف عنا
وكمان الدعاء بظاهر الغيب لاصدقاءك اقاربك من تعرفهم وتستطيع الدعوه لمن لا تعرفهم من المسلمين وغيرهم وكووووووول هذا يرده لك الملائكه ويقولون ولك بالمثل
قال رسول الله صلى الله عليه وسلم: "دعوة المرء المسلم لأخيه بظهر الغيب مستجابة عند رأسه ملك موكل كلما دعا لأخيه بخير قال الملك الموكل به: آمين ، ولك بمثل " مسلم

فادعوا وادعو وادعوا
ولا تنسونا من صالح دعائكم

مش هاقول كل حاجة لان حضراتكم او كل منكم هيدخل يقترح هنغير ايه في سلوكنا في العشرين يوم اللي فاتوا ونعمل حاجة جديدة نؤجر عليها في العشره دول وباذن الله ربنا يبلغنا ليله القدر لو فاكرين فيديو الشيخ محمد حسان في اول الموضوع

ربنا يتقبل منا باذن الله
منتظره عشان كووووولنا نتعلم ونصلح من أخطاءنا الايام الفائته ونفوز وعاوزين نتنافس فما أجمله من تنافس

السلام عليكم ورحمة الله وبركاته

رقية كتب:

بس فيه حاجه لو أوترنا في التراويح مش هنوتر تاني في صلاتنا في البيت وسمعت الشيخ بيقول ان الواحد لو عاوز يأجل الوتر لصلاته مع نفسه يأجله بس بصراحة بالنسبه لي مش هضيع وتر جماعه تضاعف فيه الحسنات وهابقي اصلي من غير وتر فالبيت

الحته دي كانت مزهقاني زمان من كام سنه لما عرفت فضل اتمام التراويح مع الإمام وعدم الإنصراف إلا بعد انصراف الإمام وحبيت اوازن بينها وبين اني عاوز اخلي الوتر آخر حاجه بعد التهجد او اي صلاة اصليها في البيت المهم قبل الفجر وخلاص .. طيب كده يا ما هصلي الوتر مع الإمام ويبقى مخليتوش آخر حاجه زي السنه أو هسيب الإمام ومصليش الوتر معاه ويبقى ضيعت ثواب كبير برده.. الحمد لله عرفت اوفق بينهم ازاي؟؟؟ بصوا نصلي عادي خلف الإمام ولما هو ينوي صلاة الوتر ننوي احنا وراه صلاة ركعتين تراويح عادي جدا ولما هو يسلم نقوم نكمل الركعه اللي فاضله ويبقى كده يبقى مصليناش وتر وكمان منصرفناش إلا بعد انصراف الإمام ولما نصلي تهجد او اللي ربنا يقدرنا عليه قبل الفجر نصلي الوتر عادي جدا يبقى كده اصبنا السنه في كلا الموضعين بإذن الله

وكمان الرجال لهم حظ كبير في صلاة الليل فالجوامع تفتح في العشر الاواخر ويقوم الامام بالصلاه بالموجودين جماعه صلاة تهجد كل يوم ولكن لا تفتح للنساء.

عن نفسي مبصليش التهجد في المسجد لأن مبحسش بطعمه وحلاوته غير في حجرتي مع نفسي يبقى بيني وبين ربي ويااااااااااااااه بيكون جميل بشكل ربنا يديمها علينا نعمه ويرزقنا الصحة ويوفقنا لصرفها في طاعته .. اللهم آمين ..

السلام عليكم ورحمة الله وبركاته

وعليكم السلام ورحمة الله وبركاته

مقترحات أكيد نزود في قراءة القرآن وفي سنن الصلاة والذكر
والناس اللي بتعرف تسهر يستغلوا بأه الحته دي ويصرفوها في طاعة ربنا سبحانه وتعالى دول 10 أيام بس وهيفرقوا كتيييييييييييييييير جدا لو صادفت ليلة القدر هتبقى أخدت ثواب 1000 شهر شهر شهر مش يوم انتوا واخدين بالكم وللا ايه؟؟؟

اللهم أعنا على ذكرك وشكرك وحسن عبادتك
اللهم بلغنا ليلة القدر
اللهم إنك عفو تحب العفو فاعف عنا


[ندعوك للتسجيل في المنتدى أو التعريف بنفسك لمعاينة هذه الصورة]

جميل جدا
وباذن الله ناخد بالنا
ونزود اكتر واكتر

بس عندنا في التراويح الوتر عباره عن تلات ركعات متواصلين وليس فيهم تحيات الا في الركعة التالته

هينفع نعمل كدا؟؟؟؟؟؟؟؟؟

رقية كتب:

بس عندنا في التراويح الوتر عباره عن تلات ركعات متواصلين وليس فيهم تحيات الا في الركعة التالته

هينفع نعمل كدا؟؟؟؟؟؟؟؟؟

بصراحه معرفش... اسألوه هو بأه ولو معرفش يحل الموضوع ده يبقى يصلي ركعتين وركعه بدل ما يعقدكم .. ده مريح نفسه على الآخر وبإذن الله هحاول اجيب حل للموضوع ده

السلام عليكم ورحمة الله بركاته

جزاكم الله خيرا يادكاترة على الافادة الجميلة دى وفعلا احنا بنعمل كدة من السنة اللى فاتت تقريبا وبرده احنا بنصلى ثلاث ركعات متتالية
وقالنا نكمل الرابعة عادى لانها من غير تشهد اوسط وبكدة هتكون مختلفة عن الفرض

كمان ممكن نشفعها بركعة وحيدة بعد ما نخلص الثلاث ركعات بتكبيرة منفصلة وحدنا
سواء فى وقتها او قبل ما نبدأ صلاة التهجد فى الوقت المتأخر من الليل ودى حصلت معانا وعملهالنا السنة اللى قبل اللى فاتت كان لسة اعتكاف النساء بادئ وماكناش نعرف وصلينا معاه الوتر فشفع معانا بركعة ثم بدأنا التهجد

والله تعالى أعلى واعلم
اللهم بلغت اللهم فاشهد

اقتباس :

وكمان الرجال لهم حظ كبير في صلاة الليل فالجوامع تفتح في العشر الاواخر ويقوم الامام بالصلاه بالموجودين جماعه صلاة تهجد كل يوم ولكن لا تفتح للنساء.

دى حاجة مش مظبوطة من حق النساء الاعتكاف وسيدنا محمد "صلى الله عليه وسلم " أذن للسيدة عائشة فى حديث صحيح وذلك بشرطين ان يكون زوجها او ابيها او ولى أمرها يعنى موافق والثانية ان تامن الفتنة
وان شاء الله هنتكلم عن الموضوع بالتفصيل

وفعلا للرجال حظ أكبر انهم يستطيعوا ان يفضلوا العشر أيام متتالية وسهل عليهم انهم يعتكفوا حتى كل ليلة لكن احنا عندنا بيفتح الميكرفون الليالى الفردية بالعافية غير ما شاء الله ولى الامر اللى بيسمح بليلة واحدة او لا يسمح اصلا

ولكن سبحان الله الذى قال " ولا تتمنوا مافضل الله به بعضكم على بعض للرجال نصيب مما اكتسبوا وللنساء نصيب مما اكتسبن "

وقد يكتب الله لها أجر قيامها واعتكافها فى بيتها "طالما انه يصعب ذلك فى المسجد" اكبر من الذين يعتكفون فى المسجد ومعهم كل المعينات من تشجيع بعضهم و الحياء من النوم فى المسجد اما هى فمعها كل المعينات على النوم والراحة فى المنزل ولكن اختارت مناجاة ربها والوقوف بين يديه

اقتباس :

عن نفسي مبصليش التهجد في المسجد لأن مبحسش بطعمه وحلاوته غير في حجرتي مع نفسي يبقى بيني وبين ربي ويااااااااااااااه بيكون جميل بشكل ربنا يديمها علينا نعمه ويرزقنا الصحة ويوفقنا لصرفها في طاعته .. اللهم آمين ..

جميل ان الانسان يختلى بربه لكن صلاة التهجد فى جماعة مع امام ورع وتقى بادعية رائعة وقرآءة جميلة واحساس ان ما فيش غيرك فى المسجد حاجة رائعة كفاية اعتكاف يوم لله سبحانه وتعالى يباعد بين وجه المسلم والنار ثلاث خنادق كل خندق عدل ما بين المشرق والمغرب

ربنا يبلغنا ليلة القدر ويرزقنا العمل بما يحب ويرضى

والدعاء نرجو مانزودش فيه كما هو بنص الرسول الذى لا ينطق عن الهوى
"اللهم انك عفو تحب العفو فاعفو اعنا"
اللهم آمين

جميل يا آيه

اضافات ما شاء الله

المفروض نكون بدأنا من امبارح نزود ونتعبد أكتر

فيه أفكار تانيه؟

بعد كدا مش هنقول عشره هينقصوا ينقصوا لغاية ما نتفاجئ ان غدا العيد

اللهم اجعلنا في يومنا هذا وفي ليلتنا هذه وفي شهرنا هذا من المقبولين ومن عتقاءك من النار
اللهم بلغنا ليله القدر

حاضر

حالا

جزيتم خيرا عالتذكره

السلام عليكم ورحمة الله وبركاته

[ندعوك للتسجيل في المنتدى أو التعريف بنفسك لمعاينة هذا الرابط]

مشاركه على ما رقيه تكمل الباقى