قطوف من القرآن

السلام عليكم ورحمة الله وبركاته

ان شاء الله هيكون برضو كما وعدنا معانا برنامج للآيات

قلنا نكتب آية حلوة تساعدنا ان شاء الله ونحاول بيها نحرك قلوبنا

ونقعد نتأملها كدة براحة ونفكر فيها
واهممم من ده كله اننا نتخيلها فى عقولنا وقلوبنا عشان نحسها

معادنا ان شاء الله هيكون بعد نهاية كل يوم أحد و أربع برضو
يعنى صباح الاتنين والخميس ان شاء الله
قبل السحور كدة تقريبا

وبقيت ايام الاسبوع يبقى مفتوح للمشاركة من قبل الجميع ات شاء الله بآية واحدة فقط لكل يوم زى ما اتفقنا

انتظرونا........

آية اليوم
بما اننا لسة ف أول الشهر الكريم

بسم الله الرحمن الرحيم

((ألم يأن للذين أمنوا أن تخشع قلوبهم لذكر الله وما نزل من الحق ولا يكونو كالذين أوتوا الكتاب من قبل فطال عليهم الأمد فقست قلوبهم وكثير منهم فاسقون))

صدق الله العظيم

حلوة أوي الفكرة

ربنا يجازيك خير يا دوك
متابعين باذن الله
واختيار موفق

مممممم

هنقول بقى نورتو الموضوع ونرحب بيكم وكدة:D:D
الموضوع بتاع الجميع يا شباب
ومش محتاجين نرحب بحد بقى ولا ايه:D

بس شررررط أية واحدة فى اليوم عشان نخلصها كلها بس
فياريت نبص ع التاريخ بس قبل ما ننزل آية ان شاء الله

ومش شرط وقت معين
فى اى وقت من اليوم ان شاء الله

اما بالنسبالى فمعادى مكتوب فوق :D

اللهم استعملنا ولا تستبدلنا

جميلة اوي الفكرة دي بجد
بس هو كل اية هتتكتب لزما يكون معاها مقطع مؤثر لاحد الشيوخ
ولا احنا بقي نفصصها ونتدبر فيها لوحدنا احسن ؟
كل واحد واللي يحبه
بس فكرة جميلة جدا
جزاك الله عنا بها خير الجزاء

جزانا الله واياكم كل خير يا مصطفى
==================
مش لازم يعنى مقطع

لكن ان عرفت ترفق بمؤثرات خارجية يكون كويس برضو
========================
بعدين محدش حط آية لليوم ده لسة
ونا مستنى
ممممم
م م م

الحمد لله
========

=============
معلش خرجت عن النظام
محدش رد لمدة يوم
وأضفت أكتر من آية ولكنها بجد لها لوحة كبيرة مجتمعة مع بعضها



لا اله الا انت سبحانك انى كنت من الظالمين

دى كانت آية اليوم التانى
ممكن ان سمعتو الفيديو ده كله
تسمعو اللى وراه فى السير
جميل جدا برضو من أروع التلاوات

سامحونى على لخبطة النظام
حاجة صعبة التحكم
=================
منتظرين ان شاء الله آية اليوم التالت

دى تبع أية اليوم اللى فوق
(وما كنتم تستترون أن يشهد عليكم........)
--------------------------------
(وبدا لهم من الله مالم يكونو يحتسبون)
===================
مش عارف كدة نظام البرنامج ماشى ازاى يا جماعة

ان شاء الله هأغير عنوان الموضوع

واكرر اعتذارى
أرجو فقط من الله أن يصل للهدف المنشود


قطوف من القرآن

السلام عليكم ورحمة الله وبركاته
جمييل يا دكتر محمد واكثر من مشارى لانى بحب اسمعه
والاسم الجديد برده رائع
ومتابعه مع حضرتك ان شاء الله
ونزل فى كل الايام الى حضرتك بتدخل فيها

ان شاء الله

يا رب مكونش زهقتكم
دى اول مرة أعمل برناج وحد يتابعه
===============
طب نقول ناظم جديد
وان شاء الله نمشى عليه بجد المرادى
نكتب نفحة من نفحات كتاب الله
وممكن نحط حاجة فيديو أو نشيد مثلا بعديه

ومش محددين ايام معينة للبرنامج
عشان منقيدش الموضوع

لا اله الا انت سبحانك انى كنت من الظالمين

نسأل الله بلوغ المراد
ولا تنسونا من صالح الدعاء بظهر الغيب

فقط انتظرونا................

الاسم ولا اروع يا محمد
جزاك الله عن التفكر في كتابه وتلاوته والتأمل فيه خير الجزاء
ولا يهمك هات اللي عندك كله في اي يوم
واحنا قاعدين اهو نقرا ونرد كله قشطة يا معلم
ههههه

ان شاء الله يا مصطفى
(بطل تثبت فيا بس)

أتمنى ياااا رب منكونش بنضيع وقتنا
ممكن الواحد يعرف ان دى حجات جميلة وترضى ربنا
لكن الاهم انه يرتقى بيها مش يعملها بس كدة تقضية واجب

زى قراءة القرآن كدة
وان مستفدتش بيها يبقى كأنك مش بتقرأ

الله ارحمنا فأنت بنا راحم

آية اليوم

بسم الله الرحمن الرحيم

يا أيها الانسان ما غرك بربك الكريم

صدق الله العظيم

فقط اقرأو الكلمات مع النشيد

نشيد رائع
استمممممممممممممممر

ان شاء الله
بس متنسوش الآية :d:d
التعقيب الهدف منه الاعانة على تخيل الصورة
وما الى ذلك

ياااا رب

أتمنى من الله فقط ياااااا رب
انكم تركزو فى اللى بينزل وتتأملوه كويس

يا رب تحسوه
هتلاقو معانى كتييير غايبة باذن الله

ومش عايز ردود والله
يكفينى الوصول للهدف وخلاص

ان شاء الله متتلخبطوش:d:d

سورة القيامة مليانة أسئلة
عايزة أجوبة

بسم الله الرحمن الرحيم

أيحسب الانسان ألن نجمع عظامه
..................
يقول الانسان يومئذن أين المفر
..................
أيحسب الانسان أن يترك سدى
..................
أليس ذلك بقادر على أن يحيى الموتى

صدق الله العظيم
=====================================

آية اليوم

بسم الله الرحمن الرحيم

وما تدري نفس ماذا تكسب غداً وما تدري نفس بأي أرض تموت

صدق الله العظيم

=====================================

جزاك الله خيرا يا عم محمد
ايه ياعم الشغل الجامد ده
ايوة ياعم كده متعنا كمان وكمان
جزاكم الله كل خير

السلام عليكم ورحمة الله وبركاته

قطوف رائعة من كتاب الله ماشاء الله جميلة جدا الآيات والفيديوهات رائعة جدا
جزاكم الله خيرا يادكتر ومتابعين ان شاء الله

رمضان كريم علينا جميعا وعلى المسلمين وكله تفكر فى آيات الله وتقرب بيها الى الله

جزاكم الله خيرا جميعا يا شباب

ان شاء الله متابعين

عذرا انبارح مكنتش موجود خالص
كنت فى المستشفى وبيت هناك :d:d
الحمد لله

أركز بس وأحط الجديد ان شاء الله