لقطة وكلمة ©

يا سلام
جميلة ياعمر يابنى
عيزك بقى توصل للى فى بالى


مستنى الحتة الجاية
سلاااام

جميلة يا دكتور
متابعين ان شاء الله
بس بلاش الفواصل الكتير دى
مكنش ينفع تنزل الحلقة ال6 بالمرة؟؟؟؟؟؟

السلام عليكم ورحمة الله وبركاته
لقطة جميلة جدا وكويس ان فيه استجابة للمتابعين هنطمع بعد كده
لكن حضرتك ماحسيتش بتانيب ضمير قوى لدرجة انه يمنعك من النت ولو انك هتقول لنفسك حتى اما اخلص المرحلة دى من التعليم واللى كانت مهمة جدا فى حيايتنا كلنا
متابعين ان شاء الله

الله عليك يا عمر
فكرتنى بحكاية قريبة شوية
بردو متعلقة بالنت و الثانوية
بس انا كنت اعرف النت و الايميلات و المنتديات و الشات و الكلام ده كلو قبل الثانوى
و كنت هضيع فى تالتة ثانوى لكن ربنا ستر
و لحقت نفسى و طلعت الاول على مدرستى كمان
--------
الى الامام دائما يا عمر
جوووووو اووون

[ندعوك للتسجيل في المنتدى أو التعريف بنفسك لمعاينة هذه الصورة]

مع أني كنت أسمع كتير عن الحاجات دي
في الثانوية وقبلها حتى
وزمايل يقولو كذا وبنعمل كذا

بس مكنتش جربت بالفعل
قبل ما أدخل الكلية

مع أن أخواتي كانو بياخدوا دورات كمبيوتر ومنهما النت
وعلموني أمل أيميل قبل الكلية
عملت كذا واحد حقيقة
بس متهيألي مضفتش ولا واحد
إلا بعد الثانوي
ولما دخلنا الوصلة البيت
وبدأت أقعد وأتعلم
وخصوصاً كان عندي تشويق وحماس
وكنت بسأل برده في حاجات صغيرة خالص
لما عرفتها دخلت في أكبر وأكبر
والحمد لله
وسنة اولى عدت ع خير

وبالنسبة لما دخلت منتدى شباب طب

بعد أول سنة
كان كل ما تجيلي رسالة تتسجل ع الميل بتاعي
فقعدت أعد فيهم

لقيت 200 رسالة مستقبلة ومسلة
في أقل من 5 أشهر

هههههههه

هههههه
الحمد لله
شغال فى البتاع ده منذ الصغر
فى بدايات النت ما دخل قويسنا كنت بشتغله
(واحد فاضى بقى)
بس بجد يا عمر
هوالحجات دى حصلتلك ولا ايه؟؟

ماشى يا عمر هية مش تدبيسة والا حاجة
بداية تعرفى بالنت كانت فى اعدادى كان بيطلب مننا ابحاث وكده..هتقولولى ايه الابحاث اللى فى اعدادى دى هقولكم كان نظام المدرسة عندنا كده..
بس حاجات سهلة .....معظمها اتعلمتها لوحدى ...لان كانت الهوم بيج فى السيبرات كلها كانت يا اما الياهو يا اما الجوجل...زمان بقى ...انا مكنتش اعرف الفرق..بس اختى كانت موضحالى ان فيه عندى مربع جنبه كلمة سيرش باكتب فيه اللى بدور عليه.... طبعا كانت كتابتى بطيئة جدا ..كنت باكتب الكلمة بصعوبة جدا...الاول باستهجى الكلمة .....و بقعد ادور على الحرف و ابص اذا كان هوة اللى انكتب والا لا..... بس كان عندى خبرة بالكمبيوتر ذات نفسه لكن النت كانت اول مرة ...لاننا كنا بناخد كمبيوتر و ما يلزمة من ايام مكان النظام الاساسى دوس و بندخل على الويندوز بامر وين...كلام قديييييم
من ايام مكنت فى ابتدائى...و كنت اعرف الوورد و الفرونت بيج و حاجات تانية كمان.....المهم ...كنت بالاقى نتايج و افتحها و كده و اعمل كوبى و بيست زى ما بنعمل دلوقتى فى ابحاثنا بس طبعا مع اختلاف المواضيع و درجة سهولتها...انا عملت تقريبا 3 ابحاث ..... واحد عن البلانتس الكواكب يعنى و واحد عن النيكوتين و السجاير و التالت مش فاكر عن ايه.... كانت الابحاث دى فى العلوم ... و كانت بالانجليزى لانى كنت فى مدرسة لغات.... المهم كنت باقعد ادعبس و لاقيت منتديات و كده و لاقيت بردو كلمة للتسجيل ده و كلمة عفوا لاتستطيع مشاهدة محتوى المنتدى الا بعد التسجيل و الكلام ده ..و لاقيت لازم اعمل ايميل...مكنتش اعرف ايه الايميل ده .... بس شوفت واحد بيعمله و انا قاعد و عرفت بيدخل ازاى...قومت عامل زيه ...و لاقيت الحكاية سهلة و فهمتها واحدة واحدة ... و عملت ايميلات و كنت بنساها و كده ...بس متابعتش حكاية الايميلات دى لانها مكنتش مشهورة اوى و لا كان ليها استخدام كتير ساعتها ...و كانت فى سيبرات معينة فى شبين مش كلها اللى عنها النت...اللى تابعته حكاية الالعاب اللى على الكومبيوتر ...زى ريدالرت.. و ميدال اوف همونر.. و هاف اليف و بيتشهد.....و بالذات ميدال اوف هونر كملت معايا من اعدادى لحد دلوقتى لسه بالعب مهمات و كده و قفلتها قبل كده.....و اللى كان مشجعنى انها كانت ساعات بتتلعب نت ورك بين الاجهزة مع اصحابى فى السيبر....طبعا كان جنب المدرسة سيبرات و كلها كانت للعب بس مفيهاش شبكة عنكبوتية يعنى انترنت...هههههه...ده غير البلايستاشن ...يعنى بيبوظوا الطلبة....كنت ساعات بنسى نفسى فيها بس الحمد لله مكنش ليها تاثير قوى عليا ....ده لغاية تالتة اعدادى
فى اولى ثانوى نقلت مدرسة بقى فى نص شبين بالضبط ...فالسيبرات مكنتش جنبها بالضبط ...بس كنت ابتديت اخد دروس و بعد الدروس كنت بالعب مع زمايلى بس خفيف خفيف عمرها ما عديت اكتر ساعتين .....الا احبانا معينة
فى تانية ثانوى بقى طبعا المدرسة مكنتش بروح الا كل فين و فين..و الدروس الله ينور....بس بعد الدروس بقى بطلت حكاية السيبرات و اللعب فيها
اتجهت لحاجة تانية ..بيلياردو و بينج و ساعات بلايستاشن ....بس مكنتش بطول فيها اوى ....يعنى زى ترفيه ... بس طبعا الحاجات دى مع قرب الامتحانات بطلتها تماما....
جت بقى المصيبة فى تالتة ازدهر النت مرة اخر فى دماغى....يعنى انا مكنتش بطلت النت بس كنت خفيف فيه اوى لغاية تالتة ثانوى....و فى السنة دى النت انتشر اوى فى السيبرات ..تقريبا كلها..و السيبرات كترت....او جايز انا حسيت بده لانى انشغلت بيه ....و بدات اتشغل جدا بدخول منتديات كتير و اشترك و اعمل ايملات كتير جدا و اراسل ناس و كده.... بس بطلتها شوية لما تشبعت منها و انشغلت بحاجة تانية بردو متعلقة بالنت ....كانت لعبة اسمها سيلكرود ...ممكن يكون معظمكم عارفها...دى لعبة على النت... الكونيكشن فيها على مستوى العالم كله و تقدر تقابل فيها كمان اصحابك اللى قاعدين جنبك
و كان ليه تلت اكونتات فيها....كل واحد فيهم طبعا بايميل مختلف ..... اللعبة دى بقى اللى كانت هتضيعنى و ضيعت ناس كتير من اللى كانوا بيلعبوها...و عرفت انها كانت موجودة من سنتين قبل من انشغل بيها بس مكنتش مشهورة و انها ضيعت ناس قبل كده كتير....اللعبة دى بتشد بطريقة غريبة و بتضيع وقت بطريقة غريبة ...ممكن تقعد قدمها 7 ساعات من غير متحس انهم عدوا .. لما حسيت بكده .....بطلتها شهرين فى النص ..... و بعدين بردو لقيت اصحابى كانوا رايحين و قالولى تعالى معانا....انا كنت خلاص بطلتها ... وقولت خلاص مجتش على المرة دى ....و قولت هقدر اتحكم فى نفسى و انها هتكون زى ترفيه مش اكتر ...لكن اتعلقت بيها تانى و رجعت انيل من الاول....لان اللعبة دى مبتخلصش.... و جيت فى الاخر حسيت ان انا مش مذاكر حاجة و كان فاضل شهر او شهر ونص تقريبا على امتحانات الثانوية ....قمت قاطع تماما و من ساعتها مدخلتهاش خالص ...لانى حسيت انها ضيعت وقتى من غير ما استفاد منها اى حاجة...
لكن بالنسبة للنت و المنتديات و كده ...هوة اه ضيع وقتى و بالذات كمان فى الكلية ........ لكن استفدت و اتعلمت منه حاجات كتير اوى فى الحياه العملية....فهمت منه حاجات كتير كانت غايبة عن دماغى...فلذلك مش ندمان قوى على ده....لكن اللى ندمان عليه اوى لعبة سيلكرود دى اللى فى تالتة ثانوى...هوة اه ربنا ستر ...لكن ضيعت وقت طويل اوى فيها من غير ما استفاد اى حاجة ...مش وقت الللعب بس ....لا كمان بعد ما كنت اخلص لعب كنت بتنينى عمال افكر فيها و الكويستات اللى فيها و فاضلى ايه و حاجات كتير متعلقة بيها...فكانت تضييع وقت و عقل... بس قدر الله و ما شاء فعل و الحمد لله على اللى انا فيه دلوقتى

دى حكايتى مع النت يا سى عمر
يعنى النت فى ذات نفسه مش نقمة بل بالعكس ده نعمة بس للى يقدر يستغله صح

تكملة رائعة وموفق فيها كل واحد بيستعيد للذاكرة بتاع اول مرة قعد ع النت الى ان وصل لدرجة كويسة فيه
اتذكر أننى قعدوا اسبوع يقنعونى مين جوجل ده ههههه و ازاى النت بيوصل و عايزة اشوف الشبكات و رحت السنترال
هههههههه
مواااااااال
بس لحد دلوقتى الخبرة كلها من نفسك وزماليللك فميش اخوات أكبر تدللك ع الطريق ف تللك الايام

ماشاء الله علي الحلقات يا دكتر عمر
بجد جميله وانا مقدرة تعب حضرتك لان حضرتك اكيد بتفكر في كل جمله والجمله دي هتخدمك زاي في كلامك القادم

جزيتم خيرا
انا بقه كنت اسمع عن النت والايميلات وكدا من محمد اخي وكتير كان بيحكيلي ويضيعلي وقتي وانا في ثانوي
بس فعليا بدات استخدامه في الكليه

لا حاولت اجيبها بالتدريج لكن النتيجة واحد
لما بتقعد بتفتح و الوقت ما بتحسش بيه
فلذلك يمكن اعتبرها جت مرة واحدة

بسم الله الرحمن الرحيم

تانى رد ليا على الموضوع الرائع ده

ممكن نقول إن المرض ده يكون له دافع نفسى ..بمعنى أن الإنسان يريد دائما أن يكتشف الجديد ويتعمق فى ما لا يعرفه من أشياء لا لشئ إلا ليملأ رغبته فقط ويثبت وجوده أمام نفسه خاصة وإن كانت شخصية هذا الإنسان لا تؤهله لحل المشكلات فى الواقع
فيحاول أن يرسم له شخصية وهمية على المنتديات أو الشات .. تبدأ أولا باختيار الإسم على المنتدى محاولة منه باقناع نفسه بأنه هو ذاك الاسم . ثم تبدأ بقدرته على الحوار على المنتدى أو الشات ، غير أنه فى أرض الواقع لا يستطيع أن يجرى مثل هذا الحوار أو أن يتحدث إلى شخص ما وجها لوجه ، ولكن كما قلنا هو يريد أن - يثبت وجوده - وهنا يكون الأنترنت هو ذاك العالم الذى شعر فيه بنفسه وازداد فيه ثقته فيها فيبدأ بتعاطى هذا العالم الذى أصبح بالنسبة له حياته التى تعطيه وقارا واحتراما ، بيد أنه فى أرض الواقع مهزوز الشخصية جدا وتنقصه مهارات كثيرة جدا

وممكن كمان يكون لسبب اجتماعى إنه مش بيلاقى حد يتكلم معاه على أرض الواقع .. فيحاول أن يجد أسرة وهمية على الأنترنت يشكو أليها مشكلاته وآلامه ... وهنا فعلا يكون الإنترنت مشكلة كبييييييييييييرة جدا ، ذلك لأنه يجعل الإنسان يميل كثيرا إلى العزلة والإنطوائية أكثر

وأنا عن نفسى أشبه هذا الإنترنت بطريق مستقيم ... تتداخل عليه طرقات كثيييرة ...

فأنت عندما تريد أن تبحث عن معلومة ما .. فأفضل طريقة لك هى أن تسلك الطريق المستقيم
أما إن حاولت فقط الدخول إلى الطرق الأخرى فإنها ستجذبك بقوة .. ومعها سوف تشعر بصراع نفسى رهييييب - كما تقدمت وذكرت يا د. عمر - بين نفسك الطامحة إلى معرفة المجهول وبين الواقع الذي أصبح ينبهك إلى أن هناك شيئا غير صحيح دخل جديدا فى حياتك بل وبدأ يتسرب إلى عقلك شيئا فشيئا كالسم

وبدلا من أن يصبح عقلك مشغولا بالتفكير ومحاولة تطوير الذات ... يصبح مشغولا بالإنترنت و المنتديات .. ( حلو السجع ده ..هههههه )

ولكن هذا لا يمنع أن الإنترنت له فوائد كثيييييييييييييييييييرة جدا .. ولكن كما قلت مشروطة بأن تسلك الطريق المستقيم

تقبل مرورى

أشكرك على الموضوع الرائع

Go Ahead Ya Rayyes

ما شاء الله دكتر الجندي

تحليلا نفسيا للشخص النتاوي

موضوع جميل

السلام عليكم

ياااااااه .. نتاوي ومليش في الواقع

من المواضيع استمتعت جدااا بكتابتها وإن لم تكتمل

بس حبيت أقول حاجة بعد الثورة

يمكن من أهم أسباب نجاح الثورة .. التواصل الإلكتروني ونقل الأخبار والتطورات لحظة بلحظة .. فشجع الناس تنزل وتكمل المشوار

بس من متابعتي للناس النتاوين وملهمشي في الواقع

موقفهم من الثورة .. رفض ليها من بدايتها .. ودفاع مستميت عن الرئيس :))

ملحوظة غريبة ومفهمتش ليه الموقف الجماعي ده ؟؟؟؟

ههههههههههههههههه

حمدالله ع السلامة انت بس :D