فاقد الشىء لا يعطيه

الموضوع مكانه مش هنا
بس حلو
انا هنقله لمكانه في تجهيز المجلة
ويا ريت الكل يقرأ قوانين منتدي آبكس

لأن الناس لسه مش واخدة بالها من النظام

تقريبا دا أبداع شخصي
؟؟؟؟؟؟

بقلم الأعضاء


وشايف انه جميل جداً
ويبقلا أفضل لو قوتيه بآيق قرآنية
#ويؤثرون على أنفسهم ولو كان بهم خصاصة#


بس مكانه مش هنا

يا عبدو خلاص
انت مش منظم .... ......نظم يا حلو
وبعدين انا نفسى لو فكرت اكتب لا قدر الله
مش حبقى مدقق اوى فى المكان
وعلشان كده انا بدقق فى الاماكن ومش راضى اكتب
مع انى والله كنت كاتب موضوع حيدمر الدنيا (مش قوى يعنى) اسمه" بين النجاح والفشل"
بس ايه تحفه .
خلاصه افكارى وتجاربى مع الحياه
بس كنت عايز اخد رايك فيه وغيرت رايي دلوقتى
اذا كنتوا بتدققوا على المكان تبقوا حتعملوا ايه فى الموضوع
بس انا مطمئن انك مش حدقق فيه لانه كبير ومش حتصبر عليه
بس بردو مش منزله الا لما ربنا يسهل

معلش نسيت اقول رايي فى الموضوع
انا عن نفسى متفق ان مفيش قاعده عامه والا ولها شواذ
بس المهم نعرف نفرق بين القاعده والشواذ
يعنى من الاخر لو خدنا مثال واحد فاشل وواحد ناجح
الفاشل عارف ايه سبب فشله بس مش عارف يصححه
على الرغم انه احسن واحد يقدم نصائح لغيره
بس يا ترى اللى بيأخذ النصيحه حيتقبلها منه زى ما حيتقبلها هى نفسها من الناجح
على ما اظن تختلف من واحد لواحد
يعنى ممكن يكون من النوع اللى بيخلفو من التجارب فيسمع كلامه وده طبعا احسن له
وممكن يكون من النوع اللى بيحب يكون امامه مثال ناجح ليقتفى اثره فمش حيتاثر بنصيحته اوى
على الرغم انه حيسمع اكتر للناجح وهكذا
تختلف القاعده باختلاف الطباع
بس المهم
هل القاعده ان"فاقد الشىء لا يعطيه" والشاذ ان "فاقد الشىء يعطيه "ولا العكس
رأيي ان فاقد الشىء يعطيه فى الاحاسيس والمعاملات والظروف اللى بيمر بيها
زى ما حضرتك قلت الاب اللى قسى عليه الزمان والام التى حرمت من الامومه
وجايز العكس يعنى يبقوا اتعقدوا نفسيا
فالراجل يطلع كل اللى شايله على عياله والام دى تكره الاطفال او تحاول خطفهم زى الافلام
بس اللى متأكد منه ان فاقد الشىء لا يعطيه ينطبق تماما على العلم
فإستحاله ان تجد جاهل يعلم جاهل إلا جهلا
فدائما العلم يتدفق من اعلى الى اسفل وليس العكس
والله اعلم............

أنا قصدت من كلامي اننا لانعمم واعلم أن القاعدة هي فاقد الشىء لا يعطيه ولكني أريد أن أدافع عن فكرة معينة.وبالنسبة لموضوع العلم والجهل أحترم وجهة نظر حضرتك لكن لا يكون المقصود بالجهل الامية لان هناك العديد من الامهات غير المتعلمات وزرعت في أبنائها حب العلم بل وأخرجت علماء,وأعظم مثال على ذلك نبينا الامي الذي علم المتعلمين

وانا مكنتش اقصد انى اقول ايه القاعده وايه الشاذ
لان القاعده هى اللى معروفه ومنتشره
بس اقصد اقول ان اعتقاد الواحد هو اللى بيختلف بين القاعده والشاذ
ومن حيث العلم والجهل
طبعا الاميه الاميه حاجه والجهل حاجه تانيه خالص
والفكره كمان مش فى كده وبس دلوقتى
دلوقتى المشكله مش بين الاميه والجهل
المشكله بين الشهادات"الجهل"والاميه
لان اغلب السهادات بيكون وراها جهل ياريتها كانت اميه
يعنى بقينا فى بلد"بتاعه شهادات"وبنعيب على الاميه
وربنا يستر

موضوع جميل
وانا أتفق مع رأي دكتر محمود
بس فيه حتة صغنونة قد كدا
مثلا
لما حد من اولي يسالنا انتم كنتم بتعملوا ايه بنقول ما لكش دعوة بينا انت اعمل كذا وكذا وما تقعش في اللي وقعنا فيه.,.......,......
علي الرغم ان احنا وحنا اهو في تانية مش بنعمل بنصايحنا اوي بنحاول فقط ولكن لما بنيجي ننصح بننصح النصيحة اللي نفسنا نعمل بيها.....
جزاكم الله خيرا عالموضوع أسماء