أمممم
السلام عليكم
كنا وقفنا المرة اللي فاتت عند نقطة أننا بلورنا فكرة مشروع
بعد ما الحمد لله أتفتحت قدامنا مشاريع خيرية
محترمة زي الصيدلية الخيرية
وأنت معدي ومشروع الرعاية المتكاملة في الجودة
جدير بالذكر بس في النقطة دي قبل ما نعديها
أن أول فكرة كانت معروضة وهي مساعدة حالات من المستشفى
اللي يلاحظ مشروع وأنت معدي في أسرة تانية
هي هي نفس الفكرة بل وأن المشروع اللي متطبق في الميديكال
فهو من سنة 2006 وقبل كدا كمان
وعندهم ناس من الدفعات اللي أكبر مننا في أكتر الدفعات
وغير أن بقى ليهم ناس في المستشفى ممرضين
ودكاترة ومسئولين وأن أي حالة تستحق العلاق والمساعدة
بيتواصلوا معاهم ع طول زي ما عملولنا في حالة الطفلة حبيبة الحمد لله
أظن لو كنا ع الفكرة دي لسه
أظن أننا مكناش هنقد نحقق حاجة
مش هنقدر نحقق مشروع الخير هنا زي هناك فنروح هناك
ومكنش فيه مشاكل من بدل ما نعمله مشروع وموافقات ونلف ونبذل مجهود كبير
وأحتمال أننا نتعب نفسنا جامد وأدامنا طريق اسهل
كنا نعرض عليهم أننا نساعدهم في دفعتنا عادي
المبررات اللي كتبتها دي أظن انها مقبولة
وأظن بعدها أن أول فكرة عرضت من دوكتر منار وهبة
كانت لازم تمشي تروح بقى
وأمممم
أظن الوقت لغاية ما أتفقنا ع الفكرة دي
في تاريخ
الخميس 26 نوفمبر
في وقت دراسة بأمتحاناته
وبالنسبالي كان الأتحاد والأنتخابات وندوة خيري رمضان
طبعاً الدراسة والأناتومي والفسيو والبايو
والهبل دا كلو
الحمد لله وربنا يعلم أنا كانت دماغي عاملة أزاي ساعتها
والضغط اللي كان من الأسرة كلها وضغط شوية دوكتر منار وهبة
أمممممم
بعد ما وضعنا الفكرة
دوكتر منار أقترحت دار عندها في منوف
دار بنات في منوف كانت سمعت أنها دار فقيرة ومحتاجة رعاية هناك
أحنا كنا أعتمدنا ع الدار دي والمعلومات الصغيرة اللي عند دوكتر منار
وفي انتظار أنها تروح وتستطلع الدار دي وتعرف لنا الأخبار
بتاريخ 2 ديسمبر
- منار يوسف كتب:
- والله انا مش ناسية
آخر حاجة وصلتلها ان الحالة المادية للدار بقت كويسة
وطلبت من ناس تانية انهم يسألوا لى خصوصا انهم ساكنين قريب منها
لو فيه جديد اكيد هبلغكم
المفروض اننا اتفقنا انكم هتدورا انتو كمان
يا ترى حد حاول يدور؟؟؟
طيب حد وصل لأى حاجة؟؟؟؟؟؟؟
أممممم
كدا الدار دي خلاص مفيش نصيب
كنا لازم ندور ع الدور كلها اللي في المنوفية
وكانت فيه فترة والله بجد حوالي اسبوع
كنت بكتب فيها ورق عن المشروع كله والفرق وهنعمل أيه والفريق دا والفريق دا وهنجيب المعلومات منين وفريق الأستكشاف
كان فيه أكيد استعجال من دوكتر منار وهبة جامد يعني
في الأجتماع وع المنتدى
ع اساس أن ورق المشروع بالفكرة الجديدة لسه أتقدم
وهو مكنش لسه
ع اساس أني لقيت جنبي عبدالرحمن والمؤسسين دول
اللي كان واقف جنبي محمد سمير ساعتها بس كان في المدينة ومكنش بيتواجد ع النت
ومحمد الأبيض للأمانة كان ليه دور تثبيتي الحمد لله
وكان متتابع الفكرة
أممم متنسوش ضغط الأسرة والأتحاد اللي ع دماغي
المهم أنا خلصت الورق وكان تمام
وأديته لدوكتر نور قبل يومين من رد كدا كويس لدوكتر منار
بس زي ما كنت متبهدل كانت برده دوكتر نور
متبهدلة في الأسرة ومتبهدلة في الأتحاد
وكنا ع وشك الندوة بتاعة خيري رمضان اللي كنا كأتحاد مطلوب مننا ندخل في تنظيمها
دوكتر نور اتأخرت في توصيل الورق دا لدوكتر منار وهبة
أمممممم
دوكتر منار يوسف
بتاريخ 12 ديسمبر
تعلن عن خروجها من المنتدى والأسرة
- منار
يوسف كتب: - وااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااء
يا خسارة يا دكتور سبقتنى كنت ناوية اتخذ نفس القرار بس انت سبقتنى (كنت لسه بقول كده لهبة الصبح)
يلا حصل خير الحمد لله
بس انا بقى بنسحب من الأسرة والمنتدى
ومع احترامى للجميع فالناس هنا بتتكلم وبس
ومع انى رغاية بس انا بحب اعمل اكتر ما اتكلم ( الأفعال ابلغ من الأقوال)
وبما أن طبعا انا مش ليا أى لازمة لا ف الأسرة ولا المنتدى لان باختصار وجودى يساوى عدمه
ولان الحاجة الوحيدة اللى كانت ربطانى بالأسرة متنفذتش ومحدش يقولى حطينا خطة وفريق البحث والكلام اللى مفيش منه حاجة بتتنفذ
ودكتور عبدالله ربنا يكرمه قفلنا الموضوع قال يعنى جت على الكلمتين دول
ما احنا ياما اتكلمنا
اهم حاجة انى بعتذر جداااااااااااااااااااااااااا لثلاثة أشخاص
لدكتور محمد سمير
ودكتور محمود طارق
على تحملهم الفترة اللى فاتت دى كلها ولانهم اكتر اتنين كانوا عايزين يشتغلوا
بس مفيش نصيب واكيد مش انا السبب لانى كنت مستعدة بجد والله اشتغل
بجد آسفة على وقتكم لانى انا اللى اتهفيت ف عقلى واقترحت الحكاية دى
الاعتذار التالت لنفسى
لانى مخترتش المكان المناسب واستاهل حرقة الدم اللى انا فيها بس محدش بيتعلم بالساهل
شكر لدكتور عبدالله على تعبه معانا ومحاولته تنظيم الموضوع بس بصراحة دى شتتنا جااااااااااااااامد
وعتاب انك قفلت الموضوع مكنش فيه داعى لانك خليت الناس تتضايق جدا
وقولت هينفتح يوم الثلاثاء ومتفتحش
عموما ربنا يوفقكم
ويارييت تراجعوا نفسكم لان بصراحة اسرة أبكس معمولة بس عشان خاطر اعضاء ابكس وياريت حتى كل الاعضاء
واكيد
انا على استعداد اشتغل معاكم فى المشروع الخيرى بس وانا برا أبكس (لانه
بصراحة ومن غير زعل مش اضافة ليا على الاطلاق انى انضم ليها))
دا اذا كان فيه نية انه الموضوع يكمل ( اقصد يبدأ يعنى)
طلبين آخريين
الأول
ياريت بعد ما اسيب الأسرة محدش يقول انى سبب فشل المشروع الخيرى لانى على
قدر استطاعتى كنت بجاريكم ف اللى بتقوله عشان معطلش اى بادرة خير (والله
دى كانت النية واللى كنت بحاول اعمله والله على ما اقول شهيد)
الطلب التانى ياريت محدش يحذف الرد بتاعى او يحذف اى حاجة منه
اعتقد ان الحكاية مش مستاهلة حذف لانى طردت نفسى قبل ما اى حد يطردنى
واكيد طبعا انا مش هسيب الجنة وبالتالى مفيش اى خوف من الندم
الموضوع اللي فيه كلام عنه دا
كان هو موضوع المشروع
كان دخل فيه كلام وأفتراحات وأفكار
مكنش ليها سبيل في الفكرة اللي قعدنا كتير فيها
وكل واحد كان بيدخل يتكلم عن الرد اللي فوقيه
ونطلع من حفرة نخش في دحديرة
وأنا أعتبرت دي فتنة عن المشروع وأنا ضد الفتنة فقفلته
هههههه
يمكن أكون كنت غلطان بس يالا
محدش بيحس بالتاني ليويمن دول الحمد لله
المهم دي بعد ما كانت ندورة خيري رمضان خلصت
والأتحاد الشغل العاجل فيه يعتبر خلص دلوقتي
أنا رديت هناك في الموضوع ساعتها
واليوم اللي بعده
كنت اتكلمت مع دوكتر منار وهبة
ومكنش لسه وصلهم الورق
بس المهم ودوكتر نور كانت وصلت ثانية كدا
سألتها ع الورق والحمد لله صوره في يومها
وعرفوا الكلام يعني... بغض النظر عن أي سوء نظر حصل
أمممم
المهم عملنا أجتماع بعد الكلام دا
وكان حضره برده معانا لأول مرة عمر أبو شادي
ليبدي رأيه في الكلام لأني عارفه يعني ليه لمحة بعيدة في التخطيط والكلام دا
المهم أتفقنا في الأجتماع أن اللي هيجيب بيانات الدور دي
ناس من رسالة وكان اللي ساعدا فيها محمد حلمي
بعد حوالي اسبوع عشر أيام كدا
وكان في الفترة دي
كنت لقيت أعلان لدار كدا وأنا رايح الكلية
المهم أخدت رقمها من الأعلان وأديته لدوكتر منار
وحددنا ميعاد لزيرة صغيرة كدا
الدار دي كانت في شبين أسمها الدار الأيوائية للأيتام
روحناها وكان موجود من البنات دوكترمنار وهبة
ومن الولاد أنا واسلام عبدالعظيم محمود طارق محمد حلمي محمد جادالله
أممم ومش متذكر محمد سمير وعمرو عبدالسلام والا لأه
المهم بعد الزيارة دي
محمد حلمي بصراحة اتشجع معانا وراح جابلنا الورق من رسالة
وبصراحة دور ميقومش بيه إلاواحد متمكن يعني في رسالة
وبجدد كان دور كويس وشكراً ليه
ع ماالورق جه الحمد لله وعملنا أجتماع برده
هو اتأخر شوية آه
بس آدي أعتذار من محمد حلمي
- اقتباس :
- اول ما تشوفها رن عليا علشان اطمن انها وصلتك واسف والله بس لولا الظروف هقولهالك بعدين اعتذذذذذذر للناس واسف كمان مره
أممممم
أحنا قعدنا في أجتماع كان كويس
حضره دوكت نور وهبة ومنار
والصبيان كانو عدد بردهوا كان معانا حوالي 10 دور أيتام بعد استبعاد المسنين منها
وأتقسمت وكل واحد راح مكان
وراح دار
وأول ما جينا الورق
برزت الدكتورة هبة بروزاً جامد جداًُ :D:D
بأخلاصها واستعدادها وحسّت برده أننا بنعملللللللللل
اللي نقدر عليه
بعد ما كل واحد يقول
مش شغال إلا لما يبدأ
مش مشترك معاكو
مشروع خيري في أول سنة
وربنا يخلي المؤسسين الصبيان مقالوش حاجة من دي خالص
وكان دور لمحمد الأبيض ومحمد سمير بس (في الفترة دي)
أمممممم
أدوار الناس بقى
في الرد الجاي ان شاء الله
الرئيسية 
