APEX

أسرة آبكس
 
الرئيسيةالرئيسية  التسجيلالتسجيل  دخول  
أهلا و سهلا بكم في منتدي أسرة آبكس
للتسجل في المنتدي تواصل مع أي عضو في الأسرة

شاطر | 
 

 ثورة سلمية لكلية طب جامعة المنوفية

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
aliaa rabie
بدون لقب
بدون لقب
avatar

عدد المساهمات : 78
تاريخ التسجيل : 15/07/2010
العمر : 26

مُساهمةموضوع: ثورة سلمية لكلية طب جامعة المنوفية   الخميس 17 فبراير 2011, 11:29 am

السلام عليكم ورحمة الله وبركاته
صباح الخير ........صباح الحرية.... صباح التفاؤل....... صباح التغير اللى حدث فى كل حته الا عندنا
ازيكم الاول بعد تاجيل امتحان الفارما
كفاية هزار ندخل فى الجد بقى
انا عندى فكرة كده وعايزين رايكم
بسم الله الرحمن الرحيم
عايزين نعمل تغير فى الكلية بتاعتنا تغير بجد مش كلام وبس
يعنى كل واحد يدخل يقول فكرته للتغير (اجبارى مش اختيارى وعليها درجات)
وكفاية كلام فى الفاضى ولازم يكون عندنا راى يعنى دكتور الفارما يقول مفيش تاجيل نوافق وبعدين وبدون مقدمات يقول فى تاجيل برده يوافق
ياريت اللى عنده فكرة يشارك يقول رايه وزى ما قلت اجبارررررى
لازم الكل يدخل ويقول افكاره سواء كانت واقعية و او خياليةوبلاش الناس تقول يااااه الافكار دى خالية اوووووووووى لان كل شئ دلوقتى متوقع ( فاهمين قاصدى طبعا )
وطلب كده من الناس اللى بيفهموا فى الفيس والحاجات دى زى دكتر عبدالله مثلا دى مش تدبيسة ولا حاجة
يعملوا صفحة على الفيس خاصة بالموضوع دة علشان كل الناس فى الكلية تشارك
وكل واحد يعصر دماخة ويقول اى فكرةحتى لو شايفها صغيرة ممكن تفدينا فى القضية
ناسف لاطالة
مع انتظار الافكار ونرجو عدم التطنيش علشان اللى يطنش تتتتتتتتتتتتتتتت
الرجوع الى أعلى الصفحة اذهب الى الأسفل
????
زائر



مُساهمةموضوع: رد: ثورة سلمية لكلية طب جامعة المنوفية   الخميس 17 فبراير 2011, 11:45 am

ايه ده بأه؟؟؟ دلوقتي ثورة سلمية في الكلية وبإذن الله تطور لقلش د.عبد الخالق وبكره ثورة سلمية في الأسرة وتطور لقلش الأبيض ههههههه طيب بصفتي الحاكم العسكري لأسرة آبكس أؤيد الثورة الفكرية والعملية دي وبإذن الله أعصر دماغي ونشوف بس بدون احتجاجات وكلام من ده أنا قلت اهه من أولها
الرجوع الى أعلى الصفحة اذهب الى الأسفل
عبدالله الأشموني
رجل المستحيل
رجل المستحيل


عدد المساهمات : 2176
تاريخ التسجيل : 27/05/2010
العمر : 26

مُساهمةموضوع: رد: ثورة سلمية لكلية طب جامعة المنوفية   الخميس 17 فبراير 2011, 12:04 pm

وعليكم السلام ورحمة الله وبركاته

(والله عشت وشفت
اللي بدبس الناس بيه بتدبس بيه
هه)

بالنسبة للفكرة كعامة
وفي كليتنا خاصة

ع الفيس بوك والمنتديات الصديقة

1- دوكتر منال كانت ارسلتلي موضوع
وكان فيه أقتراح أننا نقف دقيقة حداد في مدخل الكلية
والحمد لله الفكرة طلبة أكبر مننا تبنوها وان شاء الله تتنفذ
دقيقة حداد وصلاة غائب الساعة 9 أو 11
هي لسه التفاصيل مظهرتش
ودك عبدالخالق بيتفقو معاه حالياً

2- بالنسبة للفيس
فمعانا محمد شوقي
طلع كدا مرة واحدة من اسبوع
وأنه خلاص هيتغير مع الثورة وهيتحول من عضو شرفي في الأسرة
إلى عضو فعال
وأقترح ع جروب الفيس أنه عاوز برده نطور من كليتنا واساتذتنا
وأليكم الموضوع
وردود عليه

اقتباس :
Mohamed Shawkyالسلام عليكم ورحمة الله و بركانة
انا
عندى اقتراح عاوزين نصر ننفذة لما نرجع الكلية انا شايف ان الصراحة بقى
الاوان ان اننا نطور المناهج بتاعتنا الى قى الكلية لو كنا عاوزين نبقى
دكاترة كويسين كفاية بقى كتب الكوبى و الباست لو هتعلمونا طب يبقى علمونا
صح ولازم الدكاترة نفسهم يتطورا مش عيب لما يبقى فى دكتور جامعى لحد
النهاردة لايفقة شىء فى التكنولوجيا و الكمبيوتر وعلى فكرة دة مش مجرد
كلام انا ناوى بجد اتكام مع الدكاترة مين معايا

ودوكتر منال ردت
اقتباس :

موضوع
كتبت فوق رائع بس محقتش اعلق ...عاوز تعمل حاجة اقولها بطريقة علمية ...
يعنى الحتة دى مشكلة عندك حل ... تبقى واحد تمام اوى ...

فى file اتعمل بامور كتيرة ... قولنا منه نقطيتين من زمان اوى والحمد لله أخدت كلام لما شبعت
اقتباس :

Mohamed Shawky يا
دكتورة منال بالنسبة لتطوير المناهج دى ممكن احنا نساعد فيها بس تطوير
الدكاترة نفسم محدش هيساعدهم فيها غير نفسهم اما بالنسبة لاسلوب علمى
لتطبيق الفكرة فممكن نجمع الامخاخ الكويسة الى فى الكلية سؤاء معيدين او
اساتذة مساعدين او اساتذة ولوحتى ...فى
طلبة عاوزين يشاركوا ويعملوا لجنة مع بعض و الشغل الى هيعملوة يناقشوة مع
بعض لحد ما يوصلوا للاحسن والاجمل من دة لو وزير التعليم العالى نفسة جمل
الدكاترة الى بيفهموا فى مصر مش الى بيحفظوا وكلهم يشتركوا فى تطوير مناهج
الطب لكل السنين ويبقى منهج موحد لكل كليات مصر ويا ريت يبداو يستخدموا
التكنولوجيا شوية اكتر من كدة كلنا على ما اظن بنتعامل مع الكومبيوتر احسن
من تعاملنا مع الكتب دا كان اقتراح الاقتراح التانى بقى ودة نفسى يتحقق
انهم ميجبروناش نذاكر من كتاب معين زى العيال الصغيرة علشان الامتحان جاى
منة يختاروا مثلا كذا كتاب وطبعا مواضيع الدراسة نفسها ثابتة وكل واحد
يذاكر من الحتة الى تريحة بس المهم يبقى فى الاخر ملم بالموضوع ودة الاهم
مش الامتحان وممكن ناسس موقع معين لينا على النت او جروب فيس بوك نجمع فية
شغلنا و نناقشة مع بعض ونشاور بعض لحد ما نوصل للافضل


وكان فيه أكتر من 50 كومنت
بس دول الأفيد ع فكرة

وكمان الموضوع هدي
وسألت في الآخر وقال في الكلية هأبقى أقولك

وبالنسبة للجروب
فدوكتر أسماء
كانت عملت جروب بأسم
dreams for shabab
وكتييييييييييييييييييييييير ع فكرة
قالو مستعديين
بس هنعمل أيه؟

متابع
علشان أتلغبطت بصراحة

بس عاوزين تشركو الأتحاد مفيش مشاكل
عاوزين تشركو الجودة مفيش مشاكل
عاوزين الأسرة مفيش مشاكل
أدينا بنفكر

________________________________________________


قال رسول الله صلى الله عليه وسلم: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له

[center]



ثورة وكل سنة وانتو طيبين

يا من بآبكس حالياً إليك وصيتي .. لقد بدأنا الفكرة من زمان

فلا تجعلوها ع كتفي الشمال ثقيلةُ .. إنا ابتغينا بها الرحمن

إذا لم تحكموها إدارة .. صارت ملاذاً لكل شيطان

اغلقوها حينها فضيلةُ .. كفى ما بي من الذنوب اسير

:)
الرجوع الى أعلى الصفحة اذهب الى الأسفل
فتحية محمود
بدون لقب
بدون لقب
avatar

عدد المساهمات : 72
تاريخ التسجيل : 20/07/2010
العمر : 26

مُساهمةموضوع: رد: ثورة سلمية لكلية طب جامعة المنوفية   الخميس 17 فبراير 2011, 12:13 pm

انا طبعا كنت عارفه الموضوع ده قبل مايكتب لاننى اتناقشت انا وعلياء فيه كتير واتوصلنا اننا نعمل الموضوع ده
لكن بما ان علياء قالت مش عاوزين كلام فى الفاضى وعايزين افكار انا هقول ملاحظاتى على الموضوع
اولا انا قرات مواضيع مختلفة على كذا منتدى كلهم يتحدثوا عن التغيير لكن لاقيت ان قليلين اللى مقدمين افكار واقل محددين خطوات وانا رايى اننالازم نتجنب الخطا ده كالاتى

نحدداحنا محتاجين ايه (عندنا مطالب + محتاجين حد يقدمها)
اولا بالنسبة للمطالب فكل واحد مننا هيدخل يقول مطالبه ونجمعها ونتناقش فيها ونعمل استفتاء عليها كاننا بنعمل دستور جديد لكليتنا
وده مش صعب لان ده ممكن يتعمل بدل من الاستبيانات اللى ملهاش اى تلاتين لازمة وبالنسبة لى هقول مطالبى فى رد اخر عشان مطولش عليكم وانا كمان اطالب بصفحة الfacebookعشان بصراحة ميكونش الموضوع خاصة باسرة معينة لاننا كلنا طلبة وفى الاول وفى الاخر احنا زمايل ولازم نفضل كده


ثانيا اللى هيقدم المطالب دى انا هتكلم بصراحة احنا عندنا اتحاد طلبة منعرفش عنه حاجة ولاحتى مين اعضاؤه وكمان فى لجنة جودة انا كل اللى اعرفه ان فى ناس من دفعتنا فى لجنة الجودة ويقدروا يساعدونا (مش تدبيسة)
وكمان محتاجين مساعدة من الدكاترة وانا متاكدة ان فى ناس كتير منهم ممكن يساعدونا ومنهم ناس فى لجنة الجوةوهيساعدونا بجد ومش خيال لان اكيد هما كانوا عايزين تغيير لكن النظام مكنش بيسمح لهم
المهم ان تكون عندنا نية التغيير بجد ونكون مرتبين وانا بقول ان ده مش هيتعمل فى يوم وليلة احنا ممكن نجمع المطالب ونحدد مشروعنا وبعد كده نقدمه حتى فى الاجازة وارجو ان محدش يخاف لان سواء اتحاد الطلبة او لجنة الجودة هتكون بتعبر عن راينا كلنا وهنكون وراهم وقدامهم ومعاهم


نرجو المشاركة بالمطالب والافكار ولو حد فى موقع يقدر يساعدنا يقول وكمان عمل الصفحة عشان ده موضوعنا كلنا
وارجو ان محدش ياخدالموضوع هزار اوانه حماس مؤقت لان نيتنا بجد نغير
وكمان مستعدين نبذل جهد من اجل هذا التغيير مش نية وبس لان
NO PAIN =NO GAIN
صح ؟
واسفة انى طولت عليكم
الرجوع الى أعلى الصفحة اذهب الى الأسفل
عبدالله الأشموني
رجل المستحيل
رجل المستحيل


عدد المساهمات : 2176
تاريخ التسجيل : 27/05/2010
العمر : 26

مُساهمةموضوع: رد: ثورة سلمية لكلية طب جامعة المنوفية   الخميس 17 فبراير 2011, 12:21 pm

تماااااااااام

هدخلكو الأتحاد اللي هينفذ
وأحنا هنوصل للجودة برده
فيه حاجة اسمها لجنة طلابية
أحنا فيها
وأحنا أسرة أهي وو عاوزين أسرة تانية هتشتغل
معانا برده

نحدد نفسنا

وأبعتو لدوك أسماء تشارك هنا أو تتابع
هي متحمسة برده
وهتجدد نيتها برده بالموضوع دا

ومحمد شوقي دخل معانا أهو برده

________________________________________________


قال رسول الله صلى الله عليه وسلم: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له

[center]



ثورة وكل سنة وانتو طيبين

يا من بآبكس حالياً إليك وصيتي .. لقد بدأنا الفكرة من زمان

فلا تجعلوها ع كتفي الشمال ثقيلةُ .. إنا ابتغينا بها الرحمن

إذا لم تحكموها إدارة .. صارت ملاذاً لكل شيطان

اغلقوها حينها فضيلةُ .. كفى ما بي من الذنوب اسير

:)
الرجوع الى أعلى الصفحة اذهب الى الأسفل
عبدالله ابوشادي
بدون لقب
بدون لقب


عدد المساهمات : 116
تاريخ التسجيل : 06/10/2010
العمر : 26

مُساهمةموضوع: رد: ثورة سلمية لكلية طب جامعة المنوفية   الخميس 17 فبراير 2011, 12:52 pm

يا جماعه اهم حاجه فعلا المشاركه
بس في حاجه بكرهها فينا كدفعه عموما ان مثلا لو اتفقنا على حاجه فيها مواجهه للوكيل او اي رئيس قسم او كدا
ناس كتير بتبقى سلبيين و بيقولوا لا يعم الا يجوا علينا و يجيبوالنا امتحانات صعبه و مش عارف ايه
يا جماعه خلاص المفروض نغير من نفسنا
يعني لما كتبنا عالفيس امبارح ان احنا هنروح نشتكي لدكتور عادل و لو مرضيش نروح للوكيل
و لو مرضيش نكلم رئيس الجامعه الي كنت جبت رقمه امبارح من عالنت عشان اكلمه لو الامتحان ما اتاجلش
عشان من ابسط حقوقنا ان احنا منمتحنش في الاجازه
لقيت ردود غريبه
الي يقول هوا انت داخل حرب يا دكتور و الي يقول لا يعم الا يزعل مننا و يعملنا امتحان صعب
يا جماعه دي حقوق للطلبه
و لازم نكون كلنا ايد واحده مع بعض في اي حاجه ننوي نعملها و منكونش سلبيين
و كلنا شفنا الي حصل لما الناس مبقتش سلبيه و اطاحت برئيس الجمهوريه و نظام كامل
مش معقوله بقى مش هنعرف احنا نمشي رأينا في كليتنا
عشان كدا اتمنى لو اتفقنا على حاجه نبقا كلنا واقفين مع بعض ميجيش حد و يقول و انا مالي يعم روحوا انتم و شوفوا
يعني لما قلنا هنروح انهارده عشان ناجل امتحان الفارما كلو قعد يذاكر و قال ربنا معاكو
و مرحتش في الاخر غير انا و محمد حلمي
اي نعم احنا معملناش حاجه و رحنا لقيناه حط ورقه ان الامتحان اتاجل
بس برضو لازم نكون كلنا ايد واحده مع بعض
عشان كدا يا ريت بلاش السلبيه دي
شكرا
و انا معاكم في اي حاجه
ممكن نخليها باسم الاتحاد ان شاء الله
فيه كتير مننا هنا في الاتحاد انا و الاشموني و احمد عيد و احمد بدوي و دكتوره اسماء
و ناس تانيه كتير مش معانا في الاسره بس كلهم معانا و هيكونوا معانا في اي قرار ناخده و انا اضمنلكم كدا
بس شوفوا انتم الافكار ايه
الرجوع الى أعلى الصفحة اذهب الى الأسفل
محمد شوقى
بدون لقب
بدون لقب
avatar

عدد المساهمات : 53
تاريخ التسجيل : 05/07/2010
العمر : 25
الموقع : http://www.facebook.com/#!/?ref=home

مُساهمةموضوع: رد: ثورة سلمية لكلية طب جامعة المنوفية   الخميس 17 فبراير 2011, 1:53 pm

بسم الله الرحمن الرحيم
اولا انا شايف ان مفيش اسرة لوحدها هتقدر تعمل تغيير شامل بس طبعا لازم نحفظ المبادرة لابيكس
****اما بخصوص الافكار انا هتكلم بخصوص فكرة تطوير امناهج انا عندى فكرة اقتبستها من الاشمنونى خصوصا بخصوص البايو كان قالى ان الدكتور طارق عاوز طلبة يساهموا فى تطوير الكتاب انا معنديش اى مانع اقابل الدكتور طارق واخد منة موضوع واشتغل علية فى الاجازة الصيفية و اعرض علية الى هعملة والله عجبة يبقى الحمد لله قدرت اعمل حاجة ******معجبوش مفيش اى مشكلة هحاول تانى لحد ما يعجبة و الله الموفق

________________________________________________


The difference between bravery and stupidity is measured only by the result
الرجوع الى أعلى الصفحة اذهب الى الأسفل
http://www.facebook.com/#!/?ref=home
آية
بدون لقب
بدون لقب


عدد المساهمات : 1528
تاريخ التسجيل : 19/12/2009

مُساهمةموضوع: رد: ثورة سلمية لكلية طب جامعة المنوفية   الخميس 17 فبراير 2011, 2:18 pm

كلام تمااااام جدا سمعته لحد دلوقتى كتيييييير جدا كل اما اروح فى منتدى الاقيه او فى اى مكان
ونفسى يبقى حقيقة
ياريت والله
ان شاء الله حتى لو الحاجات دى مش هتفيد دفعتنا السنة دى بس التغيير ده للى بعدنا كمان

واحنا بعد كدة ان شاء الله يوصلنا

صراحة كنت بافكر ابدأ من الصندوق اللى فى كل قسم لانى شفت الافكار اللى الدكتر قال عليها لما كانوا عايزين يغيروا الامتحان وكمان لما رحنا نراجع

المهم

الافكار كتييييير على فكرة بس احنا اللى مش متعودين نخرجها
هاقول عناوين فى الرد بعد كدة عشان ما اطولش
وعلى ماعرف رسيتوا الافكار دى هتكون فين
التفاصيل قادمة

ان شاء الله
الرجوع الى أعلى الصفحة اذهب الى الأسفل
آية
بدون لقب
بدون لقب


عدد المساهمات : 1528
تاريخ التسجيل : 19/12/2009

مُساهمةموضوع: رد: ثورة سلمية لكلية طب جامعة المنوفية   الخميس 17 فبراير 2011, 2:48 pm

بسم الله الرحمن الريحم

اتشرف بوضع بعض الافكار التى اتمنى على الله ان تكون نواة نحو تغيير لنا فى رضاه

ونحو ما يفيدنا ويفيد المسلمين جميعا اولا وهذا الوطن اللى كلنا اكتشفنا ان احنا بنحبه وما كناش عارفين

وكمان كليتنا اللى دخلناها واحنا فرحانين وعشنا نحلم بيها ونكتبها فى امنيتنا وفى كراسة واجباتنا
كانت طول عمرها لها شكل بنرسمه

ودخلنا مش هاقول اتصدمنا بس
كان غييييييير ما توقعنا

مبدايا قبل اى شئ مش عايزة اى حد يفتكر ان الموضوع ده هيخلص فى كام يوم او حتى كام شهر

الموضوع هيآخد وقته على ما نجمع الافكار وآراء الدكاترة ودكاترة معانا ودكاترة علينا

ونظام هيتغير يعنى عايزين صبر باذن الله وان شاء الله لما الوضوع يتحقق كل الصعاب تهوون

تمام
دى بعض الافكار وهى على فكرة عناوين ده انا عندى موضوعات كاملة تحت كل عنوان من ده
واكيد كلنا قلت افتح عشان اللى اخد على الصمت الرهيييب زى حالاتى

عايزين افكار عن الكلية ككل نظاما وجودةواتحاد وكل شئ

عن الامتحانات وعن الدكاترة

عن نظام كل قسم وكل الطلبة فى كل فرقة عاييزين ايه

عن علاقة الطلبة مع الدكاترة وتبادل الآراء والافكار
على طريقة شرح الدكاترة وطريقة التعليم
وطريقة الاسئلة اللى هينفعنا وايه المناسب من الدكاترة نباء على ذلك
ومننا احنا كمان
ليه عايزينا نسمع اللى فى الكتاب زى ما نكون بنحفظ قرآن او مخنا بيحفظ save as زى الكومبيوتر الغبى

تعاملنا مع الكتب اصلا سواء الدكاترة او احنا

ليه معاملنا على اننا ناس كانت فى ادبى وبتصم واللى بيحفظ ويقول حتى لو مش فاهم يبقى هو دى الدرجات

مع اننا كوووووولنا مش بنحب الحفظ و وما بنعرفش نطلع وطول عمر زمايلنا اللى ربنا مديهم الموهبة دى متفوقين علينا فى النقطة دى
واحنا بتميز بحاجة تانية

ليه الناس لما تدخل الامتياز وتتعرض لللشغل تقول لا علاقة للكلية بالسغل
واحنا كأن ماخدناش حاجة

ليه نفضل نضيع 6 سنسن من عمرنا والسبعة بنتفرج لا نفقه شء
وبعد كدة نشتغل بتخصص لا نعلم الا عنه بيتحضره فى كمان ثلاث اربع سنسن

مع ان ممكن نرسخ العلم كله وماننساهوش لو اتعلمناه كويس وبطريقة عملية على حق ربنا صح
وبعدين نتعمق فى اللى نريده
فيه حاجات كتير
لسة ان شاء الله نطرحها جميعا


وياجماعة عايزين كوووووول الناس تتكلم معانا وعايزين نوصل لكل الناس اللى بنحبهم واللى لا اللى هيؤيد واللى هيعارض
كلهم عقول محترمة جدا وهيفيدونا جدا وان شاء الله يكون تغيير افضل لنا ولهم

اللهم ياحى ياقيوم اصلح لنا شؤننا كلها ولا تكلنا الى انفسنا طرفة عين
اللهم دبر لنا فانا لا نحسن التدبير

منناس نجدد نيتنا لله لعل الله يكتبها لنا جهاد للخير ان شاء الله
ويارب يتقبل

ربنا يوفقنا ان شاء الله






الرجوع الى أعلى الصفحة اذهب الى الأسفل
منال عبد العال
بدون لقب
بدون لقب


عدد المساهمات : 66
تاريخ التسجيل : 08/02/2011

مُساهمةموضوع: رد: ثورة سلمية لكلية طب جامعة المنوفية   الخميس 17 فبراير 2011, 3:33 pm

والله انتوا عسل

كان نفسى حد منكم يحضر مجلس الكلية ... وتقولوا كلمة واحدة من دى

" قبل الثورة " مش عارفة بعد الثورة حالهم اصبج ايه ؟؟

بس لو قبل الثورة .... كنتم هتسمعوا كلام عجب ...

(( انا قولت فوق ... طرق عملية ...

نقطة كمان .. متنسوش الامكانيات برده ))



الرجوع الى أعلى الصفحة اذهب الى الأسفل
رقية
حمامة السلام
حمامة السلام
avatar

عدد المساهمات : 1549
تاريخ التسجيل : 13/12/2009

مُساهمةموضوع: رد: ثورة سلمية لكلية طب جامعة المنوفية   الخميس 17 فبراير 2011, 3:58 pm

بجد كلام رائع انا مش هازيد غير اني مؤيدة ومعاكم في أي فكره هتطور مننا ومن كليتنا

وباذن الله نحقق ما نبغي

jh jh
الرجوع الى أعلى الصفحة اذهب الى الأسفل
عبدالله ابوشادي
بدون لقب
بدون لقب


عدد المساهمات : 116
تاريخ التسجيل : 06/10/2010
العمر : 26

مُساهمةموضوع: رد: ثورة سلمية لكلية طب جامعة المنوفية   الخميس 17 فبراير 2011, 5:36 pm

آية كتب:


عايزين افكار عن الكلية ككل نظاما وجودةواتحاد وكل شئ
بالنسبه للجوده الاشموني يتكلم عنها
بالنسبه للاتحاد
هوا فيه برنامج ثابت رعايه الشباب بتعمله كل سنه من رحلات و مسابقات و الكلام دا
بس ممكن نزود عليهم افكار و نقولهم افكار جديده ينفذوها
زي مثلا فكره الويرلس الي قالها احمد عيد لدكتور عبدالخالق
بس الطبيعي من الكليه انها بترفض اي حاجه
في اول السنه عملنا اجتماع مع دكتور عبدالخالق طلبنا منه شويه طلبات لو كتبتها مش هعرف اعدها
و كان كل ردوده يقعد يتوه في موضوع تاني و خلاص
بجد يومها اتخنقنا بطريقه
زي ميكون الاتحاد ملوش اي لازمه كل حاجه بيقول عليها لا
الاجتماع دا كان يوم حفله الاسره
غير كدا كل الحاجات نفس النظام مفيش جديد حاجات بتتكرر كل سنه سواء مسابقات او رحلات بس
يعني نظام روتيني يشل اتمنى
عشان كدا الواحد بيفضل الاسر عنه عشان بتكون واخده راحتها شويه
مش بيبقى فيه كميه التحجيم الفظيعه دي
بس اتمنى بعد 25 يناير الموضوع يختلف
الرجوع الى أعلى الصفحة اذهب الى الأسفل
????
زائر



مُساهمةموضوع: رد: ثورة سلمية لكلية طب جامعة المنوفية   الخميس 17 فبراير 2011, 7:08 pm

ازاي الأشموني يتكلم عن الجودة في حضور د.منال
مستنيين يا دوك بإذن الله
الرجوع الى أعلى الصفحة اذهب الى الأسفل
عبدالله الأشموني
رجل المستحيل
رجل المستحيل


عدد المساهمات : 2176
تاريخ التسجيل : 27/05/2010
العمر : 26

مُساهمةموضوع: رد: ثورة سلمية لكلية طب جامعة المنوفية   الجمعة 18 فبراير 2011, 8:23 am

يأبيض
هههههه
أنا مقدرش أتكلم ع الجودة
ودوكتر منال هترشقك بالحجارة ان شاء الله
أبوشادي أسمعوااا

الكلام اللي دوكتر آية كتبته
مش أحنا اللي نجاوب عليه ع فكرة
المفروض الأجابة تيجي من الأتححاد نفسه (وكيلة الطلبة)
الجودة (دك وفاء زهران) واللجنة الطلابية (أحمد أبوعياد)
دي اسئلة مهمة أصلاً في البداية
المفروض الحاجات دي يتم الأعلان عنهاااااا أصلاً

------
باقي كلام دوك آية
مهم جداً برده

======================
يالا يا شباب
يا دوكتر علياء ودوكتر فتحية

أعملوا لسته باللي عاوزينه علشان نبدأ ننفذ

ومحمد شوقي ع الفيس بوك
بس الفكرة لسه مقتصرة علينا كأسرة
عاوزين ننشر الفكرة
أحتمال كبير ناس غيرنا ماشيين في نفس الأتجاه
ما تيجو نسأل ونتجمع؟؟

________________________________________________


قال رسول الله صلى الله عليه وسلم: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له

[center]



ثورة وكل سنة وانتو طيبين

يا من بآبكس حالياً إليك وصيتي .. لقد بدأنا الفكرة من زمان

فلا تجعلوها ع كتفي الشمال ثقيلةُ .. إنا ابتغينا بها الرحمن

إذا لم تحكموها إدارة .. صارت ملاذاً لكل شيطان

اغلقوها حينها فضيلةُ .. كفى ما بي من الذنوب اسير

:)
الرجوع الى أعلى الصفحة اذهب الى الأسفل
aliaa rabie
بدون لقب
بدون لقب
avatar

عدد المساهمات : 78
تاريخ التسجيل : 15/07/2010
العمر : 26

مُساهمةموضوع: رد: ثورة سلمية لكلية طب جامعة المنوفية   الجمعة 18 فبراير 2011, 10:22 am



السلام عليكم ورجمة الله وبركاته
اولا يا دكتر هل تم عمل صفحة على فيس ولو كانت اتعملت اسمها ايه؟
دى اهم لان الناس كلها تشارك مش الاسرة وبس او الدفعة وبس لازم كل الناس فى الكليه(كل الدفعات)
وانا وضعت بعد الافكار بعد ان عصرت دماخى بس مش اوى يعنى
1-عدم الاجبار على شراء الكتاب ويترك الحريه للطالب ان يذكرمما يشاءوينسوا جزء ان الامتحان لن يخرج من كتاب الوزارة بتاعة زمان
وكمان لازم يكون فى عقاب للدكتور اللى يجبر الطلبةعلى شراء الكتاب علشان كراسه عملى او خلافه ولا يكون فى منع وبس
ويجب على الطلبه التبليغ وعدم الخوف من دكتر ومن صعوبه الامتحان
2-ان يتم تطوير المناهج وليه ندرس حاجات تم الغائها من العالم كلة الا عندنا مثال على ذالك الادويه فى الفارما التى لم تعد تستخدم
3-يجب علينا بوضع قائمه باسماء الدكاترة اللى مش يعرفوا يوصلوا المعاومه الى الطالب بشكل جيد (يعنى باختصاراللى حافظين مش فاهمين ) وعمل دورة تدريبيه لهم وانا على حد علمى انه يوجد فعلا دوررة بهذا المعنى ولكن تقريبا مش كل الداكرته بيدخلوا فيها(اختيارى)او انها للمعيدين وبس
وهذا ليس عيبا ان يعترف الدكتور بهذا التقصير اللى عنده
4-ان يتم ربط النظرى بالعملى يعنى السماح لنا النزول الى المستشفى تحت اشراف اطباء لنرى بعض حالات من اللى ندرسها فى النظرى
5-يجب ان نكون لنا دور فى اتخاذ القرار يعنى فى اى قرار يتم اتخاذة بشان الطلبه يجب اشاركنا فيه لان دى كليتنا احنا وليس هم ولا يجب ان يسوقونا مكان ما يريدوا ولا نكون مثلالحمار الذى يحمل اسفار
6-وتريد ان يكون مقابلة رئيس القسم او الوكيلة او العميد بالشئ السهل وليس اشبه بمقابلة رئيس جمهوريه وان ياخذوا راينا محمل الجد
7-نريدان يتعامل معنا الدكاترة باحترام وان يضعوا فى اعتبارهم اننا سنكون فى يوم من الايام زملاء لهم فى النقابة وربما فى نفس القسم
8-يجب من وضع وسائل تعليمية حديثه وبلاش الحجة بتاعة كل مكان انه لا توجد ميزانيه

ورجاء يعنى يجب تفعيل دور اتحاد الطلبه مش رحلات وبس
وكمان دور لجنة الجودة عايزين نسمع عنها وهى بتعمل ايه ؟؟
وكمان فى حاجة كدة كمان عايزين مشاركة من بعض الداكاترة اللى فى الكليه اللى عندهم الاستعداد للتغير ويكونوا معنا على الصفحة فى الفيس
وكمان دور الاسر ويكون كلنا نعمل فى جهة واحدة مش كل واحد لوحدة


-ويا سلام لو تطبق الفكرة على كل الكليات الطب فى كل الجمهوريه
مرة واحدة ويتم الربط بين الكليات كلها عن طريق منتديات الكليات الاخرى ويتم نشر الفكرة ولو حد تانى عنده نفس الفكرة نبقى معاه
انا عارفة انى احلم وانها فكرة واسعة اوى ولكن مش مشكله يعنى مشورالالف ميل يبدا بخطوة


عدل سابقا من قبل aliaa rabie في الجمعة 18 فبراير 2011, 10:25 am عدل 1 مرات
الرجوع الى أعلى الصفحة اذهب الى الأسفل
aliaa rabie
بدون لقب
بدون لقب
avatar

عدد المساهمات : 78
تاريخ التسجيل : 15/07/2010
العمر : 26

مُساهمةموضوع: رد: ثورة سلمية لكلية طب جامعة المنوفية   الجمعة 18 فبراير 2011, 10:22 am


وفى افكار كدة مش لها علاقة بالتعليم ومش عارفه كدة:عمل حمله لنظافه الكليه حمله بجد مش كلام
وكمان يكون ممنوع الجلوس على الارض والسلالم زى .................لان ده بجد بيحرج ناس كتير انه تعدى من على السلم
وضع مكان مخصص لوضع الاحذية فى المسجد وبلاش الشكل اللى بنشوفه ده
وياريت يتم نقل المسجد اللى مخصص للرجال فى حجرة مغلقة لانى اعتقد انهم مش بيعرفوا يصلوا كويس واحنا كمان ننحرج لما نعدى عليهم ولا ده لاسباب سياسيه
الرجوع الى أعلى الصفحة اذهب الى الأسفل
????
زائر



مُساهمةموضوع: رد: ثورة سلمية لكلية طب جامعة المنوفية   الجمعة 18 فبراير 2011, 12:12 pm

ده الجروب على الفيس

http://www.facebook.com/home.php?sk=group_155106344545082&ap=1

الأفكار بالنسبة للجانب التعليمي تعتبر واحده عند الجميع لغاية دلوقتي
الرجوع الى أعلى الصفحة اذهب الى الأسفل
عبدالله ابوشادي
بدون لقب
بدون لقب


عدد المساهمات : 116
تاريخ التسجيل : 06/10/2010
العمر : 26

مُساهمةموضوع: رد: ثورة سلمية لكلية طب جامعة المنوفية   الجمعة 18 فبراير 2011, 3:10 pm

موضوع المسجد دا كنا فتحناه مع دكتور عبدالخالق في اجتماع معاه في اول السنه
و قلناله لو يمكن يتعمل في حته من المواقف الجديده الي اتعملت برا دي
لو يتعمل مسجد كويس كدا
قال مش عارف انه فتح الموضوع مع مش عارف مين
و قالوا لا دي ارض تبع معهد الكبد و كلام كتير كدا
دا كمان كان بيقول انهم ممكن يشيلوا المسجد دا اصلا
عشان عايزين يعملوا قاعه امتحانات تانيه و ملهاش مكان غير دا
و ان المفروض تبع معايير الجوده ان يكون فيه عالاقل قاعتين امتحانات و مفيش مكان غير مكان المسجد
قلنالنه و بعدين
قال لسا هنشوف
و بالنسبه لموضوع السلالم اتفتح برضو قدامه
و قلنا عايزين كراسي عشان الناس تقعد عليها بدل قعده السلالم دي
قال احنا كنا جبنا كراسي قبل كدا بس كل قسم خدهم من برا و حطهم جوا عنده
بدل ما كانوا موجودين بره للطلبه عشان يقعدوا عليهم
و قال هنشوف برضو الموضوع دا
و غير كدا و كدا مواضيع كتير اتفتحت
زي مثلا ان احنا نعمل خزانات لكل طالب زي الي بنشوفها في الافلام دي
:D:D
و تكون مقلا بايجار حاجه رمزيه في السنه كدا و هتجيب تمنها و مش عارف ايه
قال برضو احتمال نشوف الكلام دا
و فيه مواضيع تانيه كتير اتفتحت
بس كان كل ردوده يا اما بالرفض يا اما التتويه
يا اما كلمه ان شاء الله دي
بس ان شاء الله بعد كدا هنحاول نمشي ورا حاجتنا اول باول و نخليهم يعملوها و نزن على دماغهم

الرجوع الى أعلى الصفحة اذهب الى الأسفل
فتحية محمود
بدون لقب
بدون لقب
avatar

عدد المساهمات : 72
تاريخ التسجيل : 20/07/2010
العمر : 26

مُساهمةموضوع: رد: ثورة سلمية لكلية طب جامعة المنوفية   الجمعة 18 فبراير 2011, 9:31 pm

عبدالله الأشموني كتب:

يالا يا شباب
يا دوكتر علياء ودوكتر فتحية

أعملوا لسته باللي عاوزينه علشان نبدأ ننفذ

ومحمد شوقي ع الفيس بوك
بس الفكرة لسه مقتصرة علينا كأسرة
عاوزين ننشر الفكرة
أحتمال كبير ناس غيرنا ماشيين في نفس الأتجاه
ما تيجو نسأل ونتجمع؟؟
السلام عليكم
انا قرات كل ارائكم هناوعلى facebook وجميل حماسكم وافكاركم لكن انا اخترت راى د/عبد الله لأبدأ من حيث انتهى هو
انا رايى اننا سواء عرضنا الموضوع هنا اوعلى الface او فى الكلية هنلاقى ناس كتير جدا موافقين على الفكرة بل وممكن ناس كتير تكون مستعدة للمشاركة
لكن علينا ان نعلم ان هذا لن يتحقق فى يوم وليلة لكن علينا ان نبدا ونستعيين بالله كمان منتوقعش اننا هنلاقى ترحيب قوى من المسئولين لذا لازم نرزل ونغتت ونبقى يد واحدة لان الكترة تغلب الشجاعة
احنا مطالبنا كتير ومتشعبة منها ماله علاقة بالكلية ومنها ماله علاقة بالمستشفى ومنها ماله علاقة بالسلوكيات الخ
لذا مش هينفع كل يوم ندخل نقول شويه افكار وخلاص
منعا للاطالة احنا عايزين نمشى كلنا(كل الطلبة فى الكلية )على نظام واحد
ولعمل هذا اسمحولى اعرض عليكم فكرتى(ستكون فى شكل سياسى بحت)
اولا انا رايى تكوين لجنة عليا تضم كل من(مجموعة من كل فرقةلايزيد عددهم عن 10لكل فرقة اى المجموع 60 تكون ممثلة عن الجميع ويفضل ان يكونوا ممن يكون لهم علاقة بالعمل الطلابى مثل مقررين الاسر اولجان الجودة او اتحاد الطلاب اوماشبه) اعتقد ان هذا سيكون افضل من ان نستعين بالاتحاد فقط اولجنة الجودة اوالاسر فقط لانهم قدلايمثلوا كل الفرق
وظيفة هذة اللجنة تتلخص فيما يلى
1.جمع المشاريع اللتى نريد تنفيذها
2.دراسة هذة المشاريع وهل يمكن تنفيذها على ارض الواقع
3.توزيع الادوار على الجميع فى كل الدفعات وذلك من خلال ممثللى الفرق
لان هذا سيساعدنا كثيرا على اختصار الوقت والجهد الذى سيقوم به كل واحد وسيساعد على تنفيذ اكبر عددمن المشروعات فى وقت واحد
4.تكوين لجنة للاشراف على الدعايا والاعلان تضم واحد من كل 10(ممثلى كل فرقة)
5.تكوين لجنة لدراسة الموارد المادية والبشرية على طريقة لجنة الدعايا والاعلان
6.تكوين لجنة لا تزيد عن عشرة ايضا تشرف على الاستفتاءات لان كل مشروع ينتهى يجب ان يكون عليه استفتاء حتى يخرج على الوجه الاكمل
7. ممكن لهذا المجلس تكوين لجان اخرى على حسب الحاجة ويخصا باشياء يحددها هو كما يمكنه الاستعانة بدكاترة من الكلية او من المستشفيات الموجودة وذلك للاستفادة من خبراتهم سواء بضمهم للمجلس او الاكتفاء باستشارتهم فقط
8.يجب على هذا المجلس تحديد اطار زمنى مناسب للمشروعات يراعى فيه فترات الامتحانات الخاصة بكل فرقة و يراعى ايضا الروتين
بكده نقدر نكون منظمين
انا عارفه ان ممكن ناس تضحك على الكلام ده وممكن ناس تقول ده خيال وممكن ناس تقول ده صعب
لك صدقونى اذا قدرنا نجتمع كلنا فى شكل واحد منظم افضل من ان كل واحد يعمل مشروع منفصل لاننا فى هذا سنعى لتنفيذ هدف واحد ولن نشعر بالتعب لان الادوار ستكون موزعة
هذا رايى ومستنية ردودكم ونقدكم ايا كان مع او ضد انا هبقى سعيدة بيه
وباطلب مساعدة د/عبدالله ود/محمد الابيض اذا عجبتهم الفكرة فى ايصالها للاخرين بما انهم المقررين
وانا اسفة جدا جدا للاطالة
وانتظروا المزيد ان شاء الله
الرجوع الى أعلى الصفحة اذهب الى الأسفل
عبدالله الأشموني
رجل المستحيل
رجل المستحيل


عدد المساهمات : 2176
تاريخ التسجيل : 27/05/2010
العمر : 26

مُساهمةموضوع: رد: ثورة سلمية لكلية طب جامعة المنوفية   السبت 19 فبراير 2011, 9:57 am

تمام بالنسبة للنقاط كلها

بس بالنسبة لنقطة رقم 8

أحنا ممكن نتخيل
ان اول أسبوع قدمنا الطلب لوكيلة الطلب كمؤسسة أو وحدة الجودة
أو نشركهم الأتنين مع بعض مفيش مشاكل ويدرسوه ويوافقو عليه
تاني أسبوع تم الأعلان عن تمثيل الدفعات وكل دفعة عليها تختار10
تالت أسبوع تم الأتفاق ع ال60 واحد ممثل للدفعة وتقديم الأسماء للوحدة والوكيلة
رابع أسبوع أول أجتماع مع الوكيلة ومديرة وحدة الجودة بالكلية
ونقدم فيه الطلبات والأقتراحات والحاجات اللي عاوزين نعملها

صح؟
كدا شهر في الترم التاني
فاضل شهر كمان وأمتحانات العملي تبدأ

أحنا ممكن نعمل دا وكل حاجة هيتوافق عليها لأنهم بالفعل عاوزين طلبة
بس ميعاد الأجتماعات الكتيرة
ودراسة كل مشروع لوحدة
والأتفاق ع الطريقة
والتنفيذ بتاعها

مش هيكون في الترم التاني
يكون في الأجازة الكبيرة أحلى

الفكرة تمام
ولازم نتقدم بيها في بداية الترم التاني علشان ناخد خطوة واقعية للتنفيذ
والكلام دا مش بسيط يعني ومش هنكون ولا كأننا عملنا حاجة
الأجازة 3 أشهر ممكن نوفر جزء منهم للكلية

بس اللي عاوز أوصله واضح؟
والا توضيح أكتر

وأحييكو والله
دوكتر علياء ودوكتر فتحية ودوكتر آية

________________________________________________


قال رسول الله صلى الله عليه وسلم: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له

[center]



ثورة وكل سنة وانتو طيبين

يا من بآبكس حالياً إليك وصيتي .. لقد بدأنا الفكرة من زمان

فلا تجعلوها ع كتفي الشمال ثقيلةُ .. إنا ابتغينا بها الرحمن

إذا لم تحكموها إدارة .. صارت ملاذاً لكل شيطان

اغلقوها حينها فضيلةُ .. كفى ما بي من الذنوب اسير

:)
الرجوع الى أعلى الصفحة اذهب الى الأسفل
عبدالله الأشموني
رجل المستحيل
رجل المستحيل


عدد المساهمات : 2176
تاريخ التسجيل : 27/05/2010
العمر : 26

مُساهمةموضوع: رد: ثورة سلمية لكلية طب جامعة المنوفية   السبت 19 فبراير 2011, 10:42 am

ممثلي الأتحاد
بحيث أن باقي اتحادنا يشارك

ممثلي أسر بحيث ان باقي الأسر تشارك

ممثلي الجودة بحيث ان باقي الجودة الطلابية تشارك

في التنفيذ
تمام؟

________________________________________________


قال رسول الله صلى الله عليه وسلم: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له

[center]



ثورة وكل سنة وانتو طيبين

يا من بآبكس حالياً إليك وصيتي .. لقد بدأنا الفكرة من زمان

فلا تجعلوها ع كتفي الشمال ثقيلةُ .. إنا ابتغينا بها الرحمن

إذا لم تحكموها إدارة .. صارت ملاذاً لكل شيطان

اغلقوها حينها فضيلةُ .. كفى ما بي من الذنوب اسير

:)
الرجوع الى أعلى الصفحة اذهب الى الأسفل
فتحية محمود
بدون لقب
بدون لقب
avatar

عدد المساهمات : 72
تاريخ التسجيل : 20/07/2010
العمر : 26

مُساهمةموضوع: رد: ثورة سلمية لكلية طب جامعة المنوفية   السبت 19 فبراير 2011, 11:09 am

جميل الحماس ده
حلو الاطار المبدئى اللى حضرتك وضعته ده واتفق مع حضرتك فى كل النقط
وانا لما كتبت النقطة رقم8 مكنتش اقصد انها فى الدراسة او الاجازة فعلا لكن اقصد مدة للمشروع نفسه يحددها توزيع الادوار وطريقة تنفيذها وهكذا
واحنا مش مختلفين لاننا نفضل العمل فى الاجازة لاننا بنكون فاضيين ومش محبطين المهم نبدأ فعلا
المهم فعلا فى المرحلة القادمة هو نشر الفكرة للجميع والحصول على الموافقة المبدئية من المسئولين
لان كل فكرة انا طرحتها هيتشعب منها افكار كتير المهم ان المسئولين يوافقوا وان اكبر قدر ممكن من الطلبة(لو قدرنا نخليهم كلهم) يشاركوا ويقتنعوا بالفكرة لان الموارد البشرية مهمة جدا وحتى لانكون خياليين ممكن طلبة مننا تقول ايه الخيال ده انا لا احبطكم لكن علينا ان نكون واقعيين

وانا سعيدة جدا لاننا كده بدأنا نفكر بشكل منظم
ومستنيين باقى الاراء والافكار اللى ممكن نضيفها عشان نقدملهم فكرة متكاملة
الرجوع الى أعلى الصفحة اذهب الى الأسفل
عبدالله الأشموني
رجل المستحيل
رجل المستحيل


عدد المساهمات : 2176
تاريخ التسجيل : 27/05/2010
العمر : 26

مُساهمةموضوع: رد: ثورة سلمية لكلية طب جامعة المنوفية   السبت 19 فبراير 2011, 1:07 pm

خلاص تمام لحد دلوقتي
وان شاء الله عاوزين الأفكار مترتبة ورا بعضها واحد اتنين
زي أفكار دوكتر آية اللي كاتباها واحد اتنين

وان شاء الله هنتفق مين مننا هيقدم مفيش مشاكل
لوكيلة الطلبة
ولوحدة الجودة
ولو العميد كمان مش مشكلة ان شاء الله
مش صعبة

وأكييييييد دكتورة وفاء مديرة وحدة الجودة هترحب وهتدعمنا جامد
ولو بدكاترة كمان مقتنعين بالفكرة معانا ونقعد مع بعض وتبقوا حاضرين الأجتماع دا ان شاء الله

وكمان فيه طلبة معانا ليهم علاقات مع الوكيلة
ومع العميد وهيكونوا دعم لينا في توصيل الفكرة ان شاء الله
-----------

ونستمر بأستقبال الآراء والأقتراحات كمان
وع آخر الأسبوع يكون الأفكار كلها والطبات تكون متنقطة واحد اتنين
ياريت آخر جملة دي
لدوكتر علياء ودوكتر فتحية

تمام؟

________________________________________________


قال رسول الله صلى الله عليه وسلم: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له

[center]



ثورة وكل سنة وانتو طيبين

يا من بآبكس حالياً إليك وصيتي .. لقد بدأنا الفكرة من زمان

فلا تجعلوها ع كتفي الشمال ثقيلةُ .. إنا ابتغينا بها الرحمن

إذا لم تحكموها إدارة .. صارت ملاذاً لكل شيطان

اغلقوها حينها فضيلةُ .. كفى ما بي من الذنوب اسير

:)
الرجوع الى أعلى الصفحة اذهب الى الأسفل
آية
بدون لقب
بدون لقب


عدد المساهمات : 1528
تاريخ التسجيل : 19/12/2009

مُساهمةموضوع: رد: ثورة سلمية لكلية طب جامعة المنوفية   السبت 19 فبراير 2011, 3:40 pm

كلام تمام جدا
وخصوصا بأه حكاية الاجازة دى
مع البداية فى الدراسة دلوقتى

اظن بدأ اصلا دلوقتى ناس تعرف وكمان على الفيس حضرتك قلت فيه ناس من اسر تانية

لكن محدش باين له كلام
وتواجدهم هم جدا
لان ده هيكون شئ كويس مؤكد لنا وللدكاترة ان فيه ناس بتتكلم عن غيرها بصفة رسمية مش عاملين نفسهم عن الدفعة ومحدش عارف

وكمان ناس كتير من اللى بره الاسر متحمسة

لكن حاليا الناس محتاجة تتجمع اكتر
ده ممكن يكون باعلانات لكل الاسر واللى لها منتديات تعرفوهم
سنة تانية عاملين منتدى
وميدكال
ومنتدى الكلية

كل ده يستغل فى الاعلان ونحط لينك الموضوع والجميع يجتمع بدل ما يكون فيه غيرنا دلوقتى بيجهز وكلنا مشتتين

كمان فى الفترة دى عايزين ننتقى الدكاترة اللى ممكن يقدمولنا حلول فى اطار يرضى الترتيبات الرسمية عشان محدش يقول انهم عيال عايزين تغيير بحماس دون معرفة او خبرة

وعلى راسهم طبعا دكتر وفاء زى الدكتر ماقال اللى متأكدة ان شاء انها لن توفر جهدا
ودكتر طارق دكتر سهير دكتر رحاب سمكة
....... فيه كتير دول مبدأيا
الناس الكبار فى 4 و5 و6 عايزين توصلهم الافكار
ويشاركوا فعليا قبل انتقاء اساسا العشرة دول يكونوا هما فى وسطنا ومعانا من اول الوقت

ولو ضاع علينا اول اسبوع فى تجميع الدكاترة وتكملة الصورة دى هيكون افضل ما نتقدم واحنا مش مكتملين فكريا وفئويا ويقوللونا بتهرججا

يعنى عايزين كل شئ ما يبقاش فيها حجة

بالتوفيق ان شاء الله
الرجوع الى أعلى الصفحة اذهب الى الأسفل
????
زائر



مُساهمةموضوع: رد: ثورة سلمية لكلية طب جامعة المنوفية   السبت 19 فبراير 2011, 4:25 pm

طيب اعتقد المفروض نفتح باب للزوار بخصوص الموضوع ده وننقل الموضوع ده فيه علشان يبقى منظم اكتر من الفيس ويكون فيه الترتيبات النهائية
موافقين؟؟؟؟؟؟
الرجوع الى أعلى الصفحة اذهب الى الأسفل
 
ثورة سلمية لكلية طب جامعة المنوفية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
APEX :: قسم الزوار :: كليتنا برؤيتنا-
انتقل الى: