عاوزينكم في دعايا مذكرات الكازس

السلام عليكم

الحمد لله

مذكرة الأمتحانات نزلت
وبدعايا كانت الحمد لله كويسة قوي
ومش مرة وحدة والا وقت معين وخلاص
دا استمرت ع الفيس بوك كتير
دلوقتي نقدر نقول 90 % منها أتباع
وفاضل 10% بس
وتكون مذكرة أمتحاناتنا في أيدي ربع الدفعة

أمممم
تفاصيلها
الحمد لله ربنا وفقنا وجيبنا إعلانات عليها مش بطالة
كانت 150 معمل النخبة
150 نظارات طاحون
100 صيدلية حسام
وكان تكلفة كل مذكرة 4جنيه و80 قرش
وأتباعت بـ 3 جنيه
والأسرة دفعت في ال100 نسخة دول 80 جنيه
و20 جنيه أتعاب للمذكرة دي والمذكرة التانية
أتعاب يعني أتصرفوا في المواصلات خصوصا وأحنا رايحين للراجل الكبير بتاع مذكرة الكازس

-------
أممم

مذكرة الكازس
كان فيه كذا حوار كدا في الأول
قبل الدراسة كمان
عن أزاي هنزلها
كنا قلنا كذا فكرة أنها تتطبع باللي هييجي من مذكرة الأمتحانات
هتتطبع من الميزانية وتتباع بسعر التكلفة
هنجيب أسبونسرز عليها
ودي كانت صعبة شوية علينا ومحتاجة مجهود كبير في بداية الدراسة
خصوصا أن طول الأجازة الفترة اللي أشتغلنا بيها مجبناش غير تلاتة بس يا عيني ههه

أمممم
كان فيه تقليل من العزيمة شوية مننا
والواحد بيكسل ويكسل اللي حواليه
ونزلوها تصوي احسن المهم

في بداية الدراسة أتواصلت مع مرشح عندنا لمجلس الشعب
أكنه لييه نشاط كبيييير من رحلات عمرة وأحتفالات ومسابقات وجوايز وجمعية خيرية ومول ومشروعات يامة لسه
بلإذن الله لما ينجح بس ويخش المجلس
هوأصلاً ربنا فاتح عليه هههه

المهم أتواصلت معاه عن طيق خالي
وحصل حوارات كتيييييرة
أستمرت 5 أسابيع أهو
وكل أسبوع حكاية
والمد لله أستمريت بالترخيم والتمسك بالفكرة أنه لازم يطبع
والزن ع الودان أمررر من السحر

أمممم
الحمد لله من يومين
وصلني ال700 جنيه الفلوس حق طباعة المذكرات
تمام؟
700 جنيه
أحنا مش أي كلام يعني ولا لسه صغيرين
ولا حاجة هتقف أدامنا
ولا مش هنقدر نطبع المذكرات دي

الفلوس وصلت
والمذكرة جاهزة ع الطباعة
هتروح بكرة أو بعده المطبعة
وتخلص قبل العيد
وفترة العيد تبقى دعايا برده
وان شاء الله ع الأقل تتطبع 150 نسخة
بإذن الله

أحب أقول الحمد لله
أحب أشكر كل من ساهم
أحب أشكر جروب البنات اللي أشتغلوا في المذكرات
أحب أشكر البنات اللي تعبوا نفسيهم وشغلوها في الأجازة
أحب أشكر كل بنت ساعدت وقالت عاوزة أساعد وأدبست أنها تساعد

أحب أشكر جروب الولاد التعبانين ملة
هقول بالأسم بقى الجامدين بس
محمد الأبيض
محمد سمير
محمود طارق
عمر أبو شادي تصميم
أحمد بدوي تصميم
أحمد عييييييد تصميم

أحب أشكر بقى
التعبانين ملة من الولاد

أحب أشكر محمد الأبيض مشرف عام وكان معايا في متابعة الأخبار
وبقوله خلي بالك من 700
ههههه

أحب أشكر دوكتر نور في بداية الكلام أصلاً عن المذكرات
أنها قالت حتى لو هندفع من جيبنا

أحب أشكر
دوكتر رباب كمان أنها كانت أكتر واحدة أدبست
في الشغل

أممممممم
علشان بس نعرف تاني اللي عملناه
أحنا جيبنا أاسبونسرز بـ 1100

بس كفاية دي
:D:D

شاطر شاطر
فضحتونا
مش قلنا هنقسمهم على بعض وخلاص والنص بالنص
يللا أهي كده طارت

اعتق المفروض حاليا نفكر في يوم الخميس

إن شاء الله 300 نسخة في الطباعة حالياً

الحمد لله

اللهم اجعل هذا العمل خالصا لوجهك
جزاكم الله خيرا ونفع بكم

آمين

وشكراً أكيييييييييييييييد

لكل الدكاترة اللي أشتركووو معانا

والله من غيركم ومن غير موافقتكم أصلاً مكناش قدرنا نخلص المذكرات دي

شكراً أكيييييييييييييييييييييييييييييييييييييييييييييييد

لدوكتر نور
أشتركت في المذكرتين
وكان ليها دور كبير برده في كازس الفسيو والتجميعة
وريتين مذكرة الأمتحانات

شكراً لدوكتر هدير محمد
معلش يا دوك تعبناكي برده في المذكرتين
بس بجد جزاكم الله خيراً
شكراً لشفوي الأربع مواد في مذكرة الأمتحانات
وفرع الليبيدز في مذكرة الكازس
والله مجهود رائع
وكان في هدوء
ومجهود شخصي يذكر

شكراً لدوكتر ياسمين فتحي
مكنتش موجودة ع المنتدى بس طلبت أنها تشتغل والله
وكان ليها دور كبير في ورق كازس الفسيو
دور يذكر
ومجهود عشرة ع عشرة يا دوك

وكمان دوكتر منار نسيم
وورق تاني للفسيو
ومكنوش يعني كمية صغيرة برده
وجزاكم الله خيراً
ومعلش يا دوك لو كان فيه لغبطة في الأول بقى اللي سببت تأخير شوية
لكن كان الشغل عشرة ع عشرة برده


شكراً لدوكتر آية
ع ورق كازس البايو
جزاكم الله خيراً
وشكراً كمان موافقتكم ومتابعتك وتشجيعكم
ووقتكم ومجهودكم في الأجازة

كمان دوكتر علياء عليوة
معلش يا دوكتر شغلناكي في الأجازة
بس هو كدا شغلنا متعب أوييي
:D:D
لا مكنش متعب ولا حاجة
أكيد كان وقت مفيد
وخصوصاً بقى لما المذكرات تنزل
هتحسي بالمجهود دا
شكراً لدورك في كازس البايو وشكراً لتعبك

شكراً برده لدوكتر منار يوسف
وأيكن حد يوصلها الشكر دا
ههههههه
شكراً لمجهودها في السورس بتاع البايو

وأخيراً وليس بآخراً
دوكتر رقية
اللي جبنالها الضغط
مبتحبش تكتب ولكن كتبت
الحمد لله يعني
شكراً يادوك والله
عقبال كل مرة
:D:D
وأنا يتقالي أعتق هههه
مااااااشي


كللللل سنة وأنتو طيبيييييييييييييييين جميعاً
وان شاء الله كل واحد مننا ليه نسخة تذكار من المذكرة
:D:D
بالتوفيق ان شاء الله للكل

فالح يا عبد الله
نسيت حجر الزاوية يا بيه

رئيس الجمهورية

راعي الأنشطة الطلابية

لأ
دوك رباب
كيزس البايو

يابني أقرأ راس الموضوع
-----
مااااااشي

وأحب طبعاً أشكر دوكتر رباب ع شغلها
كانت لسه جديدة معانا
ولحظها بقى
مكنتش مشرفة في الأسعافات
فشالت كتير في المذكرات
خصوصاً كازس البايو والتجميع الأخير فيه
وكمان مشاركتها في الأن بي بتاع اللور ليمب مع محمد سمير أكيد
ومعلش يا دوك لو كنا ضغطنا عليكم شوية
بس مكنش في القصد والله
يالا عقبال المرة الجاية ههه

شكراً يا دوك والله
وجزاكم الله خيراً

--------------
شكراً للولاد بقى بس بالتفسير شوية

لمحمد الأبيض المقرر
كان عون كبير والله
ولو كانت الظروف أفضل لكان أدبس أكتر وأكتر وأكتر
:D:D
في الكازس ولفينا شوية ع الأسبونسرز
وروحنا الطباعة مع بعض
ربنا يديمها نعمة ياارب
وأشتراكه في مذكرة الكازس برده التنسيق بعد دوك رباب

------
شكراً لمحمد سمير
ع أشتراكه بدور أساسي وكبير
ورغم أنشغاله بالأسعافات فشارك معانا برده
في أمتحانات مذكرة الأمتحانات
وكذلك الأن بي للأناتومي
ويارب ينزل ع خير قريب بإذن الله

------
شكراً لمحمود طارق
في كازس الفسيو
وخصوصا كازس السي ان أس
من كتاب السورس
ومعلش يا عم ع الضغط
بس كنا مش لاقيين واحد بيفهم زيي هههه غيرك فاضي
هههه

------
شكراً بقى لعمر أبو شادي
ع تصميمه لغلاف مذكرة الأمتحانات
كان بجد تصميم هايل
وشال حمله في ظروفه وأنشغاله في الأجازة في الجودة ورسالة

-------
شكراً لأحمد بدوي
رغم برده أنشغاله في الجمعية العلمية
لكنه شارك في أعلانت وأبواب مذكرة الأمتحانات
وبحب أقوله اللي أداك يدينا ياعم بدوي

------
شكراً أكيييد
أحمد عيد

ع تصميم غلاف مذكرة الكازس
واللي تعبناه فعلاً والله
رغم أنشغالاته في الأتحاد وسفرياته
وتعبه لكن نففذ كلمته وشارك معانا
والتصميم كان هايل والله

------
شكراً كمان لإسلام عبدالعظيم
ع الأن بي
وكمان في حكايةة الأسبونسرز في الأول

وشكراً لأحمد مصطفى برده

وشكراً لعبدالرحمن الأفندي



الحمد لله والشكر لله
نتجمع ع خير دايماً
وجزا كل واحد شارك خير
وجزا كل واحد معرفش يشارك خير
ويارب الناس اللي كانت منفظة جييش الصبيان دا يشاركو معانا السنة الجاية

بالتوفيييييق للكل
وأكيد في آخر السنة ان شاء الله هيكون فيه فيد بالك


السلام عليكم

اقتباس :

ولفينا شوية ع الأسبونسرز
وروحنا الطباعة مع بعض
ربنا يديمها نعمة ياارب

ياااااااااارب
والله كانت اجمل أوقات وأحلى مشاوير رحتها رغم تعبها لكن كله يهون معاك يا عبده
بس مش ملاحظ حكاية البايو دي؟؟
مرضيتش ادخل صيدلة علشان الكيمياء وفي أولى جبت امتياز بايو وكتبت ورق MCQ بايو لسنه اولى وشلت بايو تانيه ونسقت كيزس بايو تانيه وانا بذاكرها أصلا علشان الدور التاني ياسلام وبعد كده ابقى مقرر والعلاقه مع رئيس قسم البايو زي ما انت عارف وانكجه وتليفونات وكمان بقية دكاترة القسم والعمال وهلم جره
البايو ده حكايته معايا طويييييييييييله قوي
طولي كده
ههههههههه
يارب المذكرة تنطبع على خير باه وشكرا لكووووووووووووووووووووووووووووووووووول الناس اللي شاركت واللي كانت عاوزه تشارك ومشاركتش واللي مش عاوزين يشاركوا كمان يللا علشان داخلين على عيد برده خللي الناس كلها تفرح
كل عام انتم بخير

طب وفرحان أوي كدا ليه

ههههههههه

مش فرحان ولا حاجه
عادي يعني
لكن الأمر فيه غرابه شويه وفيه تحقيق لحديث شريف أنت عارفه

خلاااااااااااااااااااااااص
معدش خطوة ولا حاجه فاضل الدعايا بس بإذن الله
خلاص يا شباب المذكرة وصلت مكسيم
بس لسه موديناهاش في قرطبة لأنها كانت قافله فحطيناها في مكتبه لبعد العيد بإذن الله ونبقى ننقلها لقرطبة ونتفق معاهم على النظام بإذن الله وكمان نطلع نسخة لدوك طارق
بس سؤال ليك يا عبد الله
هي المقدمة اللي في أول المذكرة دي اللي أنا كنت كاتبها وللا اتغيرت؟؟ أصلي مش فاكر ان ده كلامي خاااااااااااالص

مبروك يا جماعه ويارب الناس تستفاد بيها
جزى الله القائمين عليها كل خير

ههههههه

لا بتاعتك بتاعتك
مش فاكر أنا كمان أني قرأتها :P:P
--------

يا شباب
ننزلها بكام؟

3
3ونص
4

ها؟
نقاش
ديمقراطية
لمدة خمس دقايق من دلوقتي يالا

ببلاش نص الكمية
ونعمل اعلان كدا للباقي
اعلان زي بتوع التي في كدا

لا يا خويا والله؟

اللي ببلاش حوالي 50 واحدة
للي من قويسنا
ان شاء الله ندخل بنت تعرف توصل للبنات بتوع قويسنا
وأنا هوصل للولاد ان شاء الله

انما ببلاش للباقي
مش موجودة في الأختيارات ياعم

عبد الله أعتقد الموضوع ده منتهي من زماااااااااااااااااااااااان
هتناقشه ليه تاني؟؟؟؟؟

ماشي يأبيض

طب بص
حط السعر النهائي
سواء اللي أتفقنا عليه قبل كدا والا بعد كدا
ماششي
أنا أتلخبطت
وعاوزين نعمل للأعضاء ولغير الأعضاء والا أيه؟

حط الأسعار
وأنا هجهز الدعايا أهو

الأعضاء ب 3 جنيه
غير الأعضاء ب 3ونص
بتوع قويسنا هياخدوا مذكرة الامتحانات ومذكرة الكيزيس مع بعض ب 4 في وجود البطاقة الشخصية
بسسسسسسسسسسسسسس

ههههههههههه

خلاص أتفقنا بـ 3 و3 ونص
وبتوع قويسنا ملكش دعوة بيهم يا عم
هنتفق مع بعض ان شاء الله

بس ما تشوف ب3 وب4
أو ب3 و3

هاه
عاوز قرار نهائي
اللهم أخزيك ياشيطان

حد قالك ان اللي فوق ده مش قرار نهائي؟؟؟؟
لازم يكون في ختم يعني؟؟؟؟؟

يأبيض ياخويا
خلاص
3 و3 ونص

وبتوع قويسنا محدش ليه دعوة بيهم خلاص
الصبيان معايا والبنات هأكلم واحدة بإذن الله
من قويسنا وتخش معانا برده

هتكون معاها المذكرتين
اللي مجابش الأمتحانات ياخد الأتنين مع بعض ان شاء الله

اللي جاب الأمتحانات
هياخد بس الكازس مجاني

DEAL